دیاری عومه‌ر: ده‌مێ به‌رهه‌مێ نوو هه‌بیت ئه‌ز نێزیك دبم
ئه‌ڤرۆ، ره‌مه‌زان هه‌رنی:
هونه‌رمه‌ندا شانۆڤان دیاری عومه‌ر، د دیداره‌كێ دا بۆ ئه‌ڤرۆنیوز گۆت: ئه‌ز هه‌لگرا باوه‌رناما دبلۆمێ مه ب شانۆیێ و به‌كالۆریۆسێ مه ب سینه‌مایێ و سالا 1998 ئێكه‌م ئه‌زموونا منا كاركرنێ بوو ل په‌یمانگه‌ها هونه‌رێن جوان و ب شانۆگه‌ریا (چاوه‌روارنی ترسكه‌ی ئه‌ستێره‌كان) من ده‌ست ب كارێ هونه‌ری كر، ل سالا 2000 پشكداری دوه‌مین فیسته‌ڤالا (چله‌ی نێرگز) بووم و من خه‌لاتی باشترین ئه‌كته‌ر وه‌رگرت ب كورته فلمێ كۆتای، هه‌تا نوكه وه‌ك ئه‌كته‌ر من پشكداری د دو دراما دا كریه، ئه‌و ژی (گه‌ڕان به‌دوای سێبه‌ره‌كان ) و (سۆما).
ناڤهاتیێ گۆت: ب دیتنا من ئه‌كته‌رێ سه‌ركه‌فتی ئه‌و كه‌سه یێ به‌رده‌وام ل نووخوازیێ دگه‌رێت و بشێت هه‌موو رۆلان بینیت، به‌لێ هێشتا ئه‌ز نه‌گه‌هشتیمه ئه‌وا من دڤێت ل وارێ ئه‌كته‌ریێ و دڤێت مرۆڤ قوربانیێ بۆ بده‌ت، و گرنگ نینه مرۆڤ به‌رده‌وام ل به‌رامبه‌ر بینه‌ری بیت و به‌رهه‌م نه‌بیت، هه‌ر ده‌مێ به‌رهه‌مێ نوو هه‌بیت نێزیك دبم ژ بینه‌ری به‌لێ ژبه‌ركو مه ئه‌كته‌ر و ده‌رهێنه‌رێن زۆر هه‌نه ل وارێ شانۆیێ به‌لێ مه به‌رهه‌مه‌كێ كێم هه‌یه.
