دیارێ كورد دێ بێدهنگیا خوە شكێنیت
ههرهین محهمهد:
هونهرمهندێ سترانبێژ دیارێ كورد ددیدارهكێ دا بۆ بەرپەرێ هونەری یێ رۆژناما ئهڤرۆ دیار كر كو وی كومهكا سترانان بۆ سالا نوی ئامادهكرینه و ژڤانه ل نێزیك بهێنه بهلاڤكرن و دیسان ئهڤ ساله ژی سترانهك بناڤێ (دایكا عهزیز) كو ژ پهیڤ و ئاوازێن وی بخوهنه و دابهشكرنا مۆزیكی رۆژهات محهمهد تاهر و هاریكاری بۆ دروستكرنا مۆزیكێ سترانبێژ عهلی تێن و تۆماركرنا دهنگی سترانبێژ دهستور و بلند ئهترووشی بكارێ ڤیدیویێ رابوویه.
زێدهتر ژی گۆت: نوكه مۆزیكا پازده سترانان من ئامادهكریه و و بتنێ دهنگ مایه و ههر ههیام ههیام دێ سترانهك ژوان بهلاڤكهم و ئهز وهكو بهرێ سالا 2009ئهلبوومان بهلاڤ ناكهم، چونكۆ ههكه پشتهڤانی ل سترانبێژی هاتبا كرن و چاڤێ خوه دابا هونهرێ خوه ل وی دەمی سترانبێژ دا مهلهڤان بیت و كارێن جوان و باش چێكهت و دشێم بكارێ ئهلبوومێ رابم، بهلێ گهلهك مهزاختی بۆ دڤێت ههتا كو ب دووماهی دهێت و بۆ مرۆڤی پیچهك یا بزهحمهته و یا باش ئهوه ههر چهند ههیڤان سترانهكێ بهلاڤبكهت بۆ خاترا گوهدارێن دهنگێ خوە و گۆت: راسته بۆ دهمهك بوو مایمه بێدهنگ و من چو كارێن نوی ئهنجام نهداین ئهو چهنده ژی بۆ ئهوێ یهكێ دزڤریت بۆ وان نهخۆشیان یێ كو ب سهر كوردستانێ دا هاتین و گێولێ مه پیچهك شكاند و پتر ئهم ماینه ب ژیانێ ڤه و ل ئهوی دهمی من ستران بهلاڤ نهدكرن وهكو بهرههم من نهدهاڤێتنه بهردهستێ گوهداران ل ئهوی دهمی من ههلبهست بخوه ئامادهدكرنن چونكو پتریا ههلبهستێن خوه ئهز ئامادهدكهم و ژههڤالان ژی وهردگرم و برایێ من نیوار ژی گهلهك جاران ههلبهستان بۆ دهنێرم ئهو ئاواز دكهت ئانكو دسالێن بێدهنگیێ دا ژی ههرێ بهردهوام بووم.
دیاری گۆت: ههر كارهكێ من كری وهكو ستران و پهیڤ و ئاواز ئهز یێ ژێ رازی بوویمه و ههكه ئهز هزرا خوه دسالێن 2005 و 2008 ی بكهم دبیت بێژم خوه زی من فلان سترانا خوه وهسا چێكربا، بهلێ ئهو چهنده نابیته ئهگهر كو مرۆڤ پهشێمانبیت كو ئهو سترانه مرۆڤی یا چێكری و بۆنمونه سترانا من (چبكهم یارێ) كو ژپهیڤێن رهحمهتی مامۆستا سهبریا ههكاری بوویه و ژ ئاوازو دابهشكرن یا من بخوه بوو و ههكه گوهدار بزانن ئاوازا وێ گهلهك یاب زهحمهته و نهگهلهك یا ب ساناهی یه و گهلهك تام تێدا ههنه و دهێته گوهارتن ما دێ چهوا بۆ سترانهكا وهسا پهشێمان بیت.
