دیار ل گه‌ل سترانان دژیت
هه‌رهین محه‌مه‌د:
دیار نیدال، سترانبێژێ به‌رنیاسێ رۆژئاڤایێ كوردستانێ، كو نوكه ل وه‌لاتێ ئه‌لمانیا دژیت، د دیداره‌كێ دا بۆ رۆژناما ئه‌ڤرۆ گۆت: ل سالا 1991 من ده‌ست ب ب سترانگۆتنێ كریه و ل 2000 به‌رهه‌مێ خوه یێ ئێكێ به‌لاڤكریه و هه‌تا نوكه نێزیكی چل سترانان من هه‌نه و پازده ستران ژوان هاتینه به‌لاڤكرن، هه‌روه‌سا من په‌یڤ داینه گه‌له‌ك سترانبێژان و نوكه ژی مژوولی سێ سترانا مه و سترانه‌ك ژوان دوقۆلی یه ل گه‌ل سترانبێژ رامان بها و هه‌ردو سترانێن دی ژی ژ په‌یڤ و ئاوازێن منن دێ بتنێ بێژم.
نیدالی گۆت: ده‌مێ من ده‌ست ب سترانگۆتنێ كری ب چو ره‌نگان من هزرا ب ده‌ستڤه ئینانا پاره‌ی نه دكر، به‌لكو بتنێ من دڤیا فولكلۆرێ كوردی به‌رزه نه بیت و گه‌له‌ك حه‌زژ ده‌نگێ هونه‌رمه‌ند عه‌بدولقه‌هار زاخۆیی و بلند ئیبراهیم و هونه‌رمه‌ندێن قوتابخانه ژی وه‌كو ئه‌یاز یوسف و ته‌حسین تاها دكه‌م و گه‌له‌ك گوهداریا وان دكه‌م و نوكه ل وه‌لاتێ ئه‌لمانیا مه ل وێری به‌رده‌وام سترانان چێدكه‌م و دچمه ده‌واتان ژی و چ جاران من هزر نه‌كریه سترانێ بهێلم، چونكو ستران تشته‌كه ل گه‌ل دژیم.
