دیانا‎ ‎حەداد: ‎یا‎ ‎ساخم‎

ئه‌ڤرۆ نيوز:

دیانا‎ ‎حەداد،‎ ‎سترانبێژا‎ ‎بەرنیاسا‎ ‎لوبنانی،‎ ‎د‎ ‎کونگرەکێ‎ ‎رۆژنامەڤانی‎ ‎دا‎ ‎ئەو‎ ‎گوتگۆتک‎ ‎ب‎ ‎نەوەی‎ ‎دەرخست‎ ‎کو‎ ‎ل‎ ‎حەفتیا‎ ‎بۆری‎ ‎ل‎ ‎ھندەک‎ ‎سایتان‎ ‎ھاتبوو‎ ‎بەلاڤکرن‎ ‎کو‎ ‎ترۆمبێلا‎ ‎وی‎ ‎تووشی‎ ‎ھنگافتنێ‎ ‎بوویە،‎ ‎ئەو‎ ‎ب‎ ‎خوە‎ ‎ژی‎ ‎یا‎ ‎بریندارە‎.‎

ناڤھاتیێ‎ ‎گۆت‎: ‎ئەوا‎ ‎ل‎ ‎حەفتیا‎ ‎بۆری‎ ‎روودای‎ ‎نە‎ ‎ھنگافتنا‎ ‎ترۆمبێلێ‎ ‎بوو،‎ ‎نەژی‎ ‎ئەز‎ ‎بریندار‎ ‎بوویمە،‎ ‎بەلکو‎ ‎ل‎ ‎جادەکا‎ ‎گشتی‎ ‎من‎ ‎ترۆمبیلا‎ ‎خوە‎ ‎دھاژۆت‎ ‎و‎ ‎دووریانەکێ‎ ‎گیانەوەرەک‎ ‎ژجادێ‎ ‎دەرباز‎ ‎دبوو،‎ ‎بۆ‎ ‎پاراستنا‎ ‎وی‎ ‎گیانەوەری‎ ‎من‎ ‎بەرێ‎ ‎ترۆمبێلا‎ ‎خوە‎ ‎دا‎ ‎رەخەکێ‎ ‎جادێ،‎ ‎ئانکو‎ ‎ئەز‎ ‎پیچەکێ‎ ‎ژ‎ ‎جادێ‎ ‎دەرکەفتم‎ ‎و‎ ‎من‎ ‎ئیشارەت‎ ‎ژی‎ ‎بۆ‎ ‎شۆفێرێن‎ ‎دووف‎ ‎مندا‎ ‎دھێن‎ ‎ھەلکر،‎ ‎ھەر‎ ‎چاوا‎ ‎بیت‎ ‎ئەو‎ ‎گیانەوەر‎ ‎دەربازبوو‎ ‎بیێ‎ ‎کو‎ ‎چو‎ ‎زیان‎ ‎بگەھیتێ،‎ ‎ھەروەسا‎ ‎ترۆمبیلا‎ ‎من‎ ‎ژی‎ ‎یا‎ ‎ب‎ ‎سلامەت‎ ‎بوو‎ ‎ب‎ ‎تنێ‎ ‎ل‎ ‎دەمێ‎ ‎لادانێ‎ ‎دەنگێ‎ ‎تایرا‎ ‎ھات،‎ ‎ل‎ ‎وی‎ ‎دەمی‎ ‎دو‎ ‎گەنج‎ ‎ل‎ ‎نێزیک‎ ‎وی‎ ‎جھی‎ ‎دراوەستایی‎ ‎بوون،‎ ‎من‎ ‎دیت‎ ‎کەسەکی‎ ‎ژ‎ ‎وان‎ ‎ب‎ ‎مۆبایلێ‎ ‎ئەز‎ ‎وێنەدکرم،‎ ‎لەورا‎ ‎ئەز‎ ‎ھزر‎ ‎دکەم‎ ‎ئەوی‎ ‎ئەو‎ ‎وێنە‎ ‎بۆ‎ ‎سایتەکی‎ ‎یێ‎ ‎ھنارتی‎ ‎و‎ ‎بابەت‎ ‎ھند‎ ‎یێ‎ ‎مەزن‎ ‎کری‎.‎

ل‎ ‎دۆر‎ ‎نووترین‎ ‎بەرھەمێ‎ ‎خوە‎ ‎یێ‎ ‎ھونەری‎ ‎ژی‎ ‎دبێژیت‎: ‎ئەلبۆمەکا‎ ‎ھەشت‎ ‎تراکی‎ ‎بۆ‎ ‎ئەڤ‎ ‎سالە‎ ‎دڕێ‎ ‎دایە،‎ ‎لێ‎ ‎ژبەر‎ ‎مژوولبوونا‎ ‎من‎ ‎ب‎ ‎گێڕانا‎ ‎ئاھەنگێن‎ ‎سەرێ‎ ‎سالێ‎ ‎ڤە‎ ‎نەشیام‎ ‎وەک‎ ‎پێدڤی‎ ‎ل‎ ‎سەر‎ ‎کاربکەم،‎ ‎لێ‎ ‎من‎ ‎ل‎ ‎بەرە‎ ‎د‎ ‎ھەیڤا‎ ‎ئادارێ‎ ‎دا‎ ‎دەست‎ ‎پێ‎ ‎بکەم‎ ‎و‎ ‎ھیڤیا‎ ‎من‎ ‎ئەوە‎ ‎بەرھەمەکێ‎ ‎باش‎ ‎بیت‎.‎

کۆمێنتا تە