دیبالایی بۆ رۆما خوه ئێكلاكر
ئهڤرۆ،
ستێرا تهپا پێی یێ ئهرجهنتینی و یانا یۆڤانتۆس یا ئیتالی پاولۆ دیبالا چوونا خوه بۆ یانا رۆما ئێكلاكر پشتی بۆ زێدهتری ههیڤهك چهند یانێن ئنگلێزی و ئیتالی بزاڤێن دهستڤه ئینانا وی دكرن.
جیانلۆكا دی كارزیۆ شارهزایێ ڤهگۆهاستنێن یاریزانان ل ئۆرۆپا دیاركر یانا رۆما گرێبهستهكا سێ وهرزان ب مووچهكێ سالانه شهش ملیۆن یۆرۆیان پێشكێشی پاولۆ دیبالایی كربوون كو ئهڤ گرێبهسته ژلایێ وی ڤه نه هاتیه ڕهدكرن بهلكو بڕیاردایه خوه ئێكلابكهت و بهر ب باژێرێ رۆما یێ ئیتالی بچیت.
ژلایهكێ دووڤه رۆژناما سپۆرت یا ئیتالی ئهڤچهنده ژی دۆپاتكریه كو پهیوهندیا تلهفونی یا راهێنهرێ تیمێ جوزێی مۆرینیو ل گهل پاولۆ دیبالایی بابهت ب دووماهی ئینایه و یاریزان ل سهر پرۆژێ راهێنهری رازی بوویه و هزرا چوونا خوه بۆ ئهی سی میلان ههلوهشاندیه تایبهت پشتی ل سهر كۆژمێ گرێبهستێ نه گههشتینه چو رێكهفتنان و د ڤێ حهفتیێ دا دێ گرێبهستا وی ل گهل یانا رۆما هێته راگههاندن.
