دیبای ڕیكۆردەكا دیرۆكی دگەل هۆلەندا تۆماركر
ستێرێ هەلبژارتیێ هولەندی ممفێس دیبای ب فەرمی بوو گۆلكەرێ هەلبژارتیێ وەلاتێ خوە پشتی هژمارەیا گۆلێن خوە بگەهینە 51 گۆلان پێشكەڤیت ل سەر رۆبێن ڤان پێرسی خودانێ 50 گۆلان.
ممفێس دیبایی ئەوێ نوكە یاریزانێ كۆرینتیانز یا بەرازیلی شیا ڕیكۆردەكا دیروكی بشكێنیت و ببیتە باشترین هێرشبەر پشتی د دووماهییا یارییا هەلبژارتیێ هۆلەندا بەرانبەر لیتوانیا ئەوا ب3-2 سەركەڤتن ئینایی ژ چارچووڤەیێ ڤاڤارتنێن دەربازبوونێ بۆ مۆندیالا جیهانی 2026ێ.
دیبای ئەوێ ل 2013ێ هاتیە دناڤ ڕێزێن هەلبژارتیێ وەلاتێ خوە دا 104 یاری كرینە 51 گۆل تۆماركرینە و 34 گۆل ژی بۆ هەڤالێن خوە چێكرینە، لێ هیچ ناسناڤەكێ نێڤدەولەتی دگەل هۆلەندا ب دەستڤە نەئینایە.
