دیتنه‌ك ژ دوور!
كوردستان خوشترین (ستادیومه) و باشترین یاریگه‌هه ل جیهانێ بۆ ڤی شه‌ری، ئه‌ڤ حكومه‌ت و وه‌لاتێن بیانی ئه‌ڤێن ئه‌م به‌ركا سوور بۆ دانین و پێشه‌وازییا وان دكه‌ین و سوپاسیا وان دكه‌ین كو ڤی چه‌كی و ته‌قه‌مه‌نیێ دكه‌نه د وه‌لاتێ مه‌دا ژ ساده‌ی و خشیمییا مه‌یه، ئه‌ڤه نه گول و رحانن ئه‌ڤه پیسترین بومبه و ته‌قه‌مه‌نینه دپه‌قن لسه‌ر ئاخا مه! ژینگه‌ها مه یا ژه‌هراوی دبیت مه هایژخونه!.
پشتی كو نفشه‌كێ نووی یێ موسلمانێن توندڕه‌و و رادیكال په‌یدابووی ل وه‌لاتێن ئه‌وروپی كو ئه‌ڤ جووره مرۆڤه بوونه جهێ مه‌ترسیێ و ترسێ لسه‌ر به‌رژه‌وه‌ندیێن وه‌لاتێن وان، نكارین چ بكه‌ن دا ڤی نفشێ پیس ژناڤ خوه بكه‌نه ده‌ر یان ژی ژناڤببه‌ن!؟ هه‌روه‌سا نكارین بگرن یان بنچاڤ بكه‌ن و ژناڤ مال و خێزانێن وان بینه‌ده‌ر، ژ به‌ر مافێن مرۆڤان و ژبه‌ركو خودان ناسنامێن وه‌لاتی بخوه‌نه ما دێ چلێكه‌ن؟؟ ئه‌ڤان حكومه‌تان ڕابون (ده‌وله‌تا ئیسلامێ ل عراقێ و شامێ) دورست كرن ئه‌ڤا دبێژنێ (داعش)! مووسل كره دیاری بۆ ڤان مرۆڤان ب هه‌می چه‌كێن ئه‌مریكی یێن پێشكه‌فتی، گوتنه موسلمانێن خوه‌یێن رادیكال كه‌ره‌مكه‌ن هه‌رنه جیهادێ ئه‌ڤه ده‌وله‌تا هنگویه! دێ هه‌ڕنه شه‌ری.. به‌رێ ڤان مرۆڤێت بێ ده‌لنگ هه‌می دانه مه! ل به‌ر چاڤێن ڤێ جیهانێ ب هزاران خودان ڕیه ل به‌له‌ما و لفڕوكان سیار بوون و لتوخیبێن ئه‌ورۆپا ده‌رباز بوون بۆ توركیا! ل به‌نده‌رێن ده‌ریا وه‌لاتێ ئیتالیا پڕ بوو ژ ڤان مرۆڤێن هۆڤ و هار، كه‌سێ نه‌گوت: ئه‌ڤه دێ كیڤه چن؟ بلا ده‌رباز بن و ده‌ركه‌ڤن، وه‌لاتێن ئه‌وروپی بڤی ڕه‌نگی خوه شوشیتن و پاقژكرن ژ ڤی نفشێ پیس!
نوكه به‌رپرسێن ئه‌ورۆپا یێ داخازا گرتنا سنوورێن خوه دكه‌ن ل به‌رامبه‌ری ڤان مرۆڤان دا نه‌زڤڕن! ئه‌ز دكارم بێژم ئێكه‌تییا ئه‌ورۆپی ئه‌ڤ موسلمانه ژبه‌ر خه‌و ژ وه‌لاتێن خوه كرنه ده‌ر! و ل ڤێ یاریگه‌ها خوش یێ تڕانێت خوه ب كوشتنا وان دكه‌ن وه‌كی (پله‌ی ستێشنێ) یێ كت كته دكوژن.
نه تنێ ئه‌ڤه به‌لكو یێ چه‌كی ب هه‌ردوو ملا دفرۆشنه مه! ئه‌و چه‌كێ نه هاتییه فرۆتن ئه‌ڤه 10 ساله هه‌می كره‌ت ده‌ستێ ملله‌تێ هه‌ژار.. و كره منه‌ته‌كا مه‌زن لسه‌ر مه، ئه‌م ژی تنێ یێ سوپاسییا وان دكه‌ین. به‌ری ڤی شه‌ری حكومه‌تا هه‌رێمێ ل چه‌ندین وه‌لاتان گه‌ریا كه‌سێ كلاشنكوفه‌ك ژی نه‌دایێ! گوتنێ تو وه‌لات نینی! ما دێ چه‌وا چه‌كی ده‌ینه ته. ما كێ ئه‌ڤه هینان؟ و كێ چێكرن؟ و كی دكوژیت؟.
براستی ژی ترسنوكترین وه‌لاتێن جیهانێ ئه‌وروپینه لبه‌رامبه‌ری تیرورێ، دوو سه‌لیێت تڤه‌نگا هاتنه هاڤێتن ل پاریسێ جیهان هه‌می هه‌وارێ هاتن! كه‌س نه‌وێریت خوه ل تیرورێ بده‌ت ژبلی مه كوردان بو؟ ئه‌و نه ژ قاهره‌مانی و زیره‌كییا مه‌یه، نیڤه‌كا دهوكێ دا ژبه‌ر 35 پیكه‌ما ره‌ڤن وێ شه‌ڤێ! لێ ژبه‌ركو ما مه چ هه‌یه و چ تشتێ مه دێ خرابیت؟ ئاڤاهێن مه‌یێن 550 قاتی؟، میترو و هێلێن هاتن و چوونا پێشكه‌فتی؟، كومپانی و بورسێن مه د خرابكه‌ن؟، سیسته‌م و قانونا مه دێ خراب بیت؟ سولینێن ئاڤا بن ئه‌رد و كارگه‌هێن كاهره‌ب و غاز و گازێن مه دێ خرابكه‌ن؟ تنێ ئه‌وروپا ژ پێشكه‌فتنا وه‌لاتێن خوه دترسیت له‌وما نه‌وێرن شه‌رێ تیرورێ بكه‌ن! پا دێ بلا ژ وان 70 وه‌لاتان هه‌ر وه‌لاته‌كی 50 هزار له‌شكه‌ر هنارتبانه شه‌ری؟ ئه‌وان نه‌ڤێن زیانێ ببینن ژبلی مفایی!.
هه‌ر ئه‌مین یێ شه‌هیدان ده‌ین، هه‌ر ئه‌مین وه‌ك ملله‌ت یێ دره‌ڤین و دهێینه تالانكرن، هه‌ر ملله‌ته دكه‌ڤیته قه‌یرانێت ئابووری و قه‌یرانا پانزینی و گازێ و ل دیڤ قنینێ غازێ دكه‌ته غار! هوسان مرۆڤ ژ دوور دبینیت! ئه‌م دناڤ بابه‌لیسكێ دا چ نابینین و چ نزانین!.
