دیدار ژی بوو و نڤیسین ژی بوو
ل کۆڤارا مەتین یا ژماره ( ٥٢٥ ) ل چریا ئێکێ ٢٠٢٤ ل ١٢٨-١٣٣ نڤیسینەک (نابێژم تشتەک وەکی خۆدانێ نڤیسینێ گووتی) بەلاڤبوویە ، ل سەر دیدارا مە ل رۆژناما ئەڤرو یا ژماره ٣٥٧٤ ل رۆژا ١٩/٨ و پێنج ژمارێن د دوی دا
-.ئەز دبێژم :
پێشەکی..
– هەرچەندە سەمت و ئاراستێ نڤیسینێ بەرەف بەرهەڤکەرێ دیدارێ یە کاک سالار دوسکی، لێ ئەو ئالیێ پەیوەندی ب منڤە هەی ؛ ئەز دێ هندە رۆنکرنا ل سەر نڤیسم..
– ل دوی ڕێ و ڕێبازێن رۆژنامەگەری؛ ڤیابا ئەڤ نڤیسینە ل رۆژناما ئەڤرو بەلاڤببا!!! نەک لایەنەکێ دی وەک ( کۆڤارا مەتین) راکێشابا ناڤ ڤێ بگروڤەکێشێ!! وەکی دبێژن: نەخواری ب سمبێلاڤە مایی!!
– ئەڤە ژی وێ چەندێ خۆیادکەت؛ کو خوەیێ نڤیسینا (مەتین) دلسارییەک دگەلاق بەرهەڤکەرێ دیدارێ هەبیت لەو ستێرکا خوە یا ل وی گرتی و کریە هێڤێنێ نڤیسینا خوە (هیڤیدکەم ئەزێ خەلەت بم ژی).
ناڤەڕۆک
-بابەتێ راپۆرتێ دیدارەکا درێژبوو و من کاک سالارێ دیتی و دووجارا ئەم یێت روینشتین و وێنە ژی ددیار و ئاشکرانە و برادەرک ژی دگەل بوو ؛ لێ ناڤێ وی ناهێت بیرا من و وی کەسی رەسم ژی یێ بۆ مە گرتی ..
-هەڤاڵێ من یێ برایەتی (احمد ملا قاسم) تەلەفونا بۆ من کری و یێ ڤیایی ئەز کاک سالاری ببینم و زانیاریان بدەمێ ، هەروەسان کاک فهیم عبدوللا ژی ئاگەهدارە و هەردوو جامێرا دزانن کو ئەرشیفەکێ زانیاریان ل دەف من یێ هەی !!
-کاک مسەدەق دبێژیت: بیرا من ناهێت چەوان مە مژار ڤەکر!!
ئەز دێ بیرا تە ئینم، هەوە پەیوەندی ب من کر( هینگێ تو ل کۆڤارا دهوک بووی و ئەز ژی رێڤەبەرێ نڤیسینێ بووم ل کۆڤارا دجلە) کۆ بابەتەکی ل سەر برایەتی بنڤیسم ، من ژی ئێکسەر بەرهەڤیا خوە دیارکر( دەستخەت و نڤیسین ل دەفمن دپاراستینە) و من هەمی بابەتێ برایەتی وەک شاهد و ئێک ژ کاراکتەرێن سەرەکی ل برایەتی ژ ئەلیفێ هەتا یائێ نڤیسی و دگەل چەندین وێنێت دەگمەن هەمی تەسلیمی (تە) کرن و حازر و بەرهەڤ و رێک و پێک داف هەوە ل ئاڤاهیێ باژێرڤانیێ ( ڤەگەڕە کۆڤارێ ل٤٧/ ب ناڤێ سەرنڤیسکار : تە یێ نڤیسی ژێدەرێ سەرەکیێ پێزانینێت مە دەربارەی برایەتی عزەت فندی یە) وێنە یێ دگەل
-پشتی چەند رۆژەکان ئێڤاری ئەز ل بارەگایێ کۆڤارا دجلە بووم ، هەوە تەلەفۆنا من کر و تە گووت: ئەز حەزدکەم بابەتێ برایەتی ل سەر ناڤێ مە هەردووا بەلاڤکەم چونکی من نڤیسینەک ل سەر دیروکا خواندنا کوردی ل دەڤەرا بادینا یا ئامادەکری، د بەرسڤێ دا من گووت سەیدا ئەڤە دوو بابەتێن جوودانە ، هەوە گووت پا ئەز دبینم بڤی رەنگی دێ باشتر بیت !! من ژی وەک خزمەت و وەک دلسۆژی و وەک شەرم گووت کەیفا تەیە سەیدا، ( خۆدێ یێ ل هنداڤ سەرێ من وتە)، ها بڤی رەنگی هەوە بابەت بەلاڤکر و هەوە رەسمێ خۆ ل سەر دانا و پێشکەیا کوردی خواندنێ ل بادینا زێدەکر و هەوە خوەکرە نیڤ خۆدانێ برایەتی..
– هوین دبێژن کۆڤار ل بازاری نەما ژبەر وێ ڤەکۆلینا ل سەر برایەتی کو (بەرهەمێ مە هەردوویان بوو)، مخابن راستی بهێنە ڤەشارتن..
– دێ ڤەگەرم بابەتی ، بەلێ دیداربوو و بابەتێ برایەتی ئەوێ ل کۆڤارا دهۆک بەلاڤەبووی (ژبلی پێشەکیێ) بابەتێ منە، ومن دەستهەلاتا دایە کاک سالاری کو پێزانینا ژێ وەرگریت و ئەز یێ پێداچوویم و ل هەمیێ ئەز یێ ئاگەهدارم.
– پا هەوە چەوا ئەو بابەت ل بەرگێ سیێ یێ کتێبا خوە بەلاڤەکر و ئێک پێزانین ژی یێت برایەتی هەوە نەبوون ..؟
– هەروەسان وێنێت من ژی هەوە نەڤەگەراندن و هەتا نهۆ یێ دچن و دچن..
– ئەز دبێژم ئەڤ بابەتێ هەوە ل مەتین نڤیسی نەهەوجەی بەلاڤکرنێ بوو چونکی ژ زیانێ زێدەتر چو خزمەتا دی ناکەت.!!
