دیزاینا وێنەیان ل سەر مەحفیران ژ چێكرنا كەڤالان ب زەحمەتترە
هەرهین محەمەد:
شێوەكارو دیزاینەرا مەحفیران (نهاری ئەمین) ددیدارەكێ دا بۆ رۆژنامەیا ئەڤرۆ گۆت: جوداهیەكا مەزن دناڤبەرا كەڤال و دیزاینێ دا هەیە، چونكو كەڤال ب رەنگان دهێتە چێكرن و دبیت ژ بۆ دەستنیشانەكێ كێم پێدڤی بیتێ و دیزاین هەموو دەستنیشانكرنە، ئانكو (تختیتە) و ب زەحمەترە و هندەك جاران دو سێ رۆژان ل سەر دیزاینا مەحفیرێ كار دكەم هەتا كو ب دووماهیی دئینم و كارێ دیزاینا وان یێ ب زەحمەتە و هەموو چارگۆشەنە و ل دووماهیێ رەنگان بۆ دانم، چونكو هندەك جاران گۆهۆڕین سەر داد هێنە كرن و ئەو كەسێن ژ دەڤەی وەلاتی دژین ب رێیا سوشیالێ داخوازا وێنەی، سەرمەحفیرێ دكەن. هەروەسا گۆت: قوناغا ئێكێ ئەز سكێجی چێدكەم و پاشی دانمە بەر وێنەی و هەكە وێنە وەكو وی بیت و داخوازی بیت جارەكا دی هەموویێ تەختیت دكەمەڤە و دڤێت وەكو وی بیت و پشتی هوینگێ دێ گەمە چارگوشە و پاشی دێ كەمە تەعبیر و پاشی دێ كەمە رەنگ و دووڤدا دێ رەنگێن سوفی ژی ل دووڤ ئەوان رەنگان هەلبژێرم و ژنوو بەمەسەر مەحفیرێ كا چەند داڤن و ئەوان داڤان ژی هەموویان دێ بۆ هەژمێرم و ژنوو وێنە ل سەر مەحفیرێ دێ هێتە دانان، بەلێ ئەگەر وێنەی ژنك خوە چێكەم پیچەك خۆشترە و زوو ب دووماهی دهێت و باوەرناكەم هەموو شێوەكار دیزاینا وێنەیان ل سەر مەحفیران بزانن، چونكو دەمێ دەستپێكێ من كاركری بۆ من پیچەك یا ب زەحمەت بوو، هەتا مرۆڤ فێردبیت گەلەك دەم پێدڤێت و نەبۆ چێكرنا كەڤالان نە دیزاینێ من نەسەحكریێ و مفا ژێ نەدیتیە.
