دیسان دیرۆك خوه دووباره دكهته ڤه!
ههكه مرۆڤ پێداچوونهكا هوور د دیرۆكا گهلێ كورد ل ههر پارچێن كوردستانێ دا بكهت ههمان ئهڤ وێنه و سیناریویێن نها دهێنه بهرچاڤ كو ل وى دهمى ژى ههر وهكى ئهڤرۆكه دیرۆك دووبارهیه كورد نهدئێكگرتى و نهخودان چهك و رێكخستن و دبلوماسیهكا بهێز بوون و دوژمنێن وان ژى ههردهم دئێكگرتى بوون و بهێز بوون چونكى دپشتراست بوون كو كورد نابنه ئێك! د ڤان (100) سالێن بۆرى دا سهرهراى ههمى وان كارهساتێن بسهرى گهلێ كورد هاتین هێشتا كورد فێر نهبووینه و نزانى یه كا كێشهیێن وان یێن سهرهكى و یێن لاوهكى چ نه! یا سهرهكى ئێكگرتن و ل ههڤكرنه و یا لاوهكى ژى ههڤڕكیا سیاسى و ب دهستخستنا دهستههلاتێ یه، لێ مخابن نها تهمام بهروڤاژى دهێته لهیزاندن و كورد هینگێ بۆ نهمانا ههڤدو كار دكهن هند ژبۆ مان و پێشخستنا ههڤدو كار ناكهن و ئهڤ یهك ژى دو پارچه گۆتنێن دو زانایێن مهزنێن كوردان دئینیته بیرا مرۆڤى كو ههتا نها ئهم د وان گۆتنان نهگههشتینه، وهكو ئهحمهدێ خانى دبێژیت:
گهردێ ههبا مه ئیتیفاقهك
بههڤرا بكرا مه ئینقیادهك
روم وعهجهم وعهرهبان ب تهمامى
ههمیان ژمهرا دكر خولامى
تهكمیل دكر مه عیلم وحیكمهت
تهحسیل دكر دین ودهولهت
دیسان جهگهرخوین دبێژیت:
گهر هون نهبن ئێك
هون وێ ژناڤ بچن
ئێك ب ئێك
نوكه و پتر ژ ههر جارهكێ گهلێ كورد پێدڤى ب ئێكگرتنێ یه، لێ مخابن دئامادهنه ل سهر ههر تشتى دئێكگرتى بن ب تنێ ل سهر ئێكگرتنێ دئێك گرتى نهبن! ئهڤ شهر و ئالۆزیێن نوكه د ڤێ ناوچهیێ دا و ب تایبهتى ژى ل وان وهلاتێن كورد ل سهر هاتینه دابهشكرن عیراق و توركیا سووریا و ئیران یا رۆهن و ئاشكرایه ههمى ل سهر چارهنڤیسێ گهلێ كورده و ههمى سیناریو ژبۆ لاوازكرنا دهستكهفتێن گهلێ كورده لهوما نوكه پتر ژههر جارهكێ زێدهتر كوردان پێدڤى ب ئێكرێزیێ ههیه و گرنكه پێكڤه بریارهكا چارهنڤیسى بدهن و داكۆكیێ ل سهر وێ بریارێ بكهن ئهوا د بهرژوهندا پرسا نهتهوهیى دا بیت، ب دیتنا من د ڤێ قووناغێ دا گرنكترین كار كو پارت و سهركردێن بكهن:
1- ژوورهكا تایبهت یا ههڤپشك و ب بهشداریا پتریا لایهنێن سیاسى یێن كوردان و ب تایبهت پارتێن سهرهكى ژبۆ داكۆكیكرنا ژدهست نهدانا ڤێ دهرفهتا دیرۆكى.
2- پرسا نهتهوهیى بكهنه سهرهكیترین پرۆژێ خوهیێ كارى.
3- دهست ژ ناكۆكیێن خوه یێن ناڤخۆیى بهردهن.
4- ل دویف بهرنامه و پرهنسپ و پرۆژهكێ ههڤبهش سهركردهك ببیته نوونهرێ (مهرج)ێ سهرهكى و راستهقینهیێ پرسا كوردى د ڤێ قووناغێ دا.
5- ژ ئالیێ دبلوماسى ڤه ماف و داخوازیێن كوردان بهێنه رێكخستن و كار ل سهر بهێتهكرن ب رێكا نوونهرایهتى و لوبیێن تایبهت ڤه.
6- كورد ب تایبهتى ل باشوور و ل رۆژئاڤا د ڤێ قووناغێ دا پێدڤیهكا مهزن ب لهشكرهكێ رێكخستى ههیه، چونكى دهێته چاڤهرێكرن ئهڤ دو پارچه تووشى ههڤركیێن مهزنتر یێن لهشكرى ببن.
7- بهردهوام داكۆكى ل سهر پهیاما ئاشتیێ بهێتهكرن، چونكى ب شهر و پێكدادانێ ماف ناهێنه ستاندن ب تنێ بهرگرى بهێتهكرن.
8- دوست و مرۆڤ دوستێن جیهانێ كۆم بكهن و داخواز ژێ بهێته كرن پشتهڤانیا ماف و بهرژوهندیێن گهلێ ستهم دیتى بكهن.
9- پهیوهندى و بهرژوهندیێن ئابوورى بهێنه خۆرتكرن دگهل جیهانا ژدهرڤه، چونكى بهرژوهندیێن ئابوورى دشێن پشتهڤانان بۆ مافێن گهلێً مه مسوگهرتر بكهن.
10- شهرێ كورد كوژى بهێته حهرامكرن و خیانهتكار ژى بهێنه شهرمهزاركرن.
ئهگهر هات و د ڤێ قووناغى دا كوردان ئهڤ دهرفهته ژ دهست دا ئێدى خهونا سهدان سالان دێ هێته ژناڤبرن و ئێدى وهكى جاران دێ بن دهستى و بێ ئومێدى بالا خوه ل سهر ماف و بهرژوهندیێن گهلێ مه دا كێشیت و ئێدى ئهڤهیه دهمێ دبێژن دیرۆكێً خوه نووكرهڤه.
