دیشامپ چ پلان بۆ راگرتنا مێسی بەرھەڤ کریە
ئەڤرۆ نیوز:
راھێنەرێ ھەلبژارتیێ فرەنسا دیدیە دیشامپ د کونگرێ رۆژنامەڤانی دا ئەڤرۆکە دیارکر وی چ پلان نینن بۆ راگرتنا مێسی.
دیشامپ ئاماژە ب یاریا سویاھی دا ناڤبەرا ھەلبژارتیێ فرەنسا و ئەرژەنتین ژ چارچوڤێ یاریێن قوناغا شازدێ و دڤی کونگرەی دا گۆت: ئەرژەنتین خودان باشترین یاریزانە د ڤێ موندیالێ دا و نە بتنێ مێسی یە و وی چو پلان نینن بشێن مێسی راگرن لێ مێسی یاریزانەکێ تایبەتە دشێت ھەر دەمەکی دا گۆھۆرینێ د ئەنجامێ یاریێ دا بکەت بکێمترین شیان لێ تیما وی ئەو شیان ھەنە مەترسیا وی کێم بکەن ژبەرکو پەیڤا دانانا پلانەکا تایبەت بۆ یاریزانەکی تشتەکێ مەزنە و یا ب ساناھی نینە دیسان وان خاندنەکا باش بۆ تیما ھەڤرک کریە و شیاینە خالێن لاواز د رێکا ھەلبژارتیێ ئەرژەنتین دا دەستنیشان بکەن.
دەربارەی ئاستێ ھێلا ناڤین و ھێرشبەریا فرەنسا دیشامپی دیارکر ھێلا ناڤینا فرەنسا دێ پێکھاتی بن ژ نیگولو کانتی و پول بوگبا و ئوسمان دیمبلێ دێ شێن ھاریکاریا ھێلا ھێرشبەریا وان کەن دگەل ئەنتوان گریزمانی و ب دیتنا وی دێ شێن سەرکەفتنێ ئێکلا کەن دگەل ئەرژەنتین.