دیمه‌ن یا ل هیڤیا ده‌لیڤه‌كێ
زاخۆ، عه‌لی حاجی:
دیمه‌ن ئه‌مجه‌د، كچه‌كا خه‌لكا زاخۆیه، د دیداره‌كێ دا بۆ رۆژناما ئه‌ڤرۆ دبێژیت: هه‌تا نوكه لڤی باژێرێ مه ئه‌و كچ نینن كو دوارێ راگه‌هاندنا وه‌رزشی دا كاربكه‌ن، له‌ورا گرنگه رێخۆشكرن و كار ئاسانی بۆ بهێنه كرن دا كچێن ڤێ ده‌ڤه‌رێ بشێن وه‌ك په‌یامنێر و بێژه‌رێن وه‌رزشی كاربكه‌ن و رۆلێ خوه ببینن.
دیمه‌نێ گۆت: هه‌ر چه‌نده من چو سه‌ربۆر د راگه‌هاندنێ دا نینن، به‌لێ من حه‌زه‌كا تایبه‌ت بۆ هه‌یه و حه‌زدكه‌م ببمه په‌یامنێر یان پێشكێشكارا به‌رنامه‌كێ وه‌رزشی و ئه‌ز یا ل هیڤیا ده‌لیڤه‌كێ، چنكو وه‌كو من گۆتی ل زاخۆ مه ئه‌و ڤالاهی هه‌یه و من دڤێت پربكه‌م، چنكو هه‌بوونا كچێ دناڤ راگه‌هاندنا وه‌رزشی دا بگرنگ دبینم، بۆ زانین من پێزانینێن باش ل سه‌ر وه‌رزشێ هه‌نه چنكو ئه‌ز قوتابیا په‌یمانگه‌ها وه‌رزشی مه ل زاخۆ.
