دیمەنێن ژەهركرنا خەلكێ مە ل كەمپا مێردینێ چـو جاران ژ بـەر چاڤێن من ناچن
سالار محەمەد دۆسكی:
6-9
رۆژێن ئێكەتیا قوتابیێن كوردستانێ دهاتە ساخكرن و هەتا نوكە ژی چەند وێنە وەك بیرهاتن ژ رۆژا 18 شواتێ ل دەڤ من دپاراستی نە و بیرا من دهێت رۆژەك بوو گەلەك یا سار و بەفرۆ باران بوو و ێنە هەتا نوكە ل دەڤ مە ماینە، هەر چ بیروەری ل سەر مەدا دەرباز نەدبوون ئەگەر نەهاتبا ساخكرن و مە سترانبیژ ژی داخازكرن وی دەمی (حەسەن شەریف) ل كەمپا دیاربەكر بوو بەلێ هەر دەمێ مە داخازكربا بۆ ساخكرنا بیرەوەریەكێ دهات و ئامادەدبوو و (حەسەن بوتی) نوكە مالا وی ل هەمزیكێ یە وی ژی رۆلەكێ باش هەبوو دژەنینێ دا ل هەمی بیروەریێن، دهاتنە ساخكرن و هەتا نوكە ل بیرا من (حەسەن شەریف) هات بۆ جارا ئێكێ بوو سترانا (كاغەزەك ژ هێرو شیما بۆ تووتە شرین دایێ) گۆت و ئەم هندی ل وێرێ مەهەمیا پێكڤە كرە گری و ئەڤ بیروەریە ل هولەكێ دهاتە ساخكرن ل سەرێ كەمپێ بوو و خەلكێ مەییچ دل سۆتی و هناڤ سۆتی بوو و ژ وەلاتی یێ خەریب بوو (ئەكرەم ئورەی) هەم سترانبێژ و هەم ئەكتەر و (نزار قومری) نوكە ژی یێ حازرە و رۆلەكێ جوان هەبوو وەك ژەنین و دیسا ( ئەنوەر دێررشكی) وەك ستران گۆتن و ژەننین و رۆلەكێ جوان هەبوو و ئەڤان كەسان هوسا ئاهەنگ و بیروەریێن مە ب رەوش تێخستن ئەوی خەلكی ماندیبوون و قەهر و كوڤانێ، خوە ژبیر دكرن و ئێدی ئاهەنگێن مە گەهشتنە وی ئاستی هاریكارێ والی ل گەل كارگێریا كەمپێ و ل گەل پولیسان و نوژدار و برینپێچ هەر هەمی بەرهەڤ دبوون و خوشیەكا مەزن ژێ وەرگرت و گۆتن هوون ئەڤ ملەتە خودان ئەڤ كەلتورە و ئەڤ سەربور و داهێنانە ل دەڤ هەوە هەین و ئەگەر هوون ژ ئەڤی سەقایی دەركەڤن هوون دێ چ كەن؟.
ناڤبری ئەو ژی گۆت: دەركەفتنا كەمپێ گەلەك یا ب ساناهی نەبوو تو ژێ دەركەڤی و گەلەك نەخوشی مە دیتن و رەزالەت و دەردەسەری مە دیتن و دچارچووڤەكێ نەخوش دا بووین وێ قەرەبالغا زوور یا خەلكێ مە و هەتا سەرەدانا (دانیال میترانێ) خودێ ژێ رازی بیت بۆ كەمپا مێردینێ و پێشتر ئەم هاتینە ئاگەهداركرن كو دێ (دانیال مەتیران) سەردانا كەمپێ كەت و خەلكی ل بەر لیڤێن چادران بخوە گول و ریحان چاندن و مە قەفتەكا گول ریحان و گول چییەكا كر و ل گەل بەرهەڤكرنا دەستەكێ كراس و فیستانان كو كوردی مە بوو چێكرن و دەمێ هاتی وەك دیاری مە پێشكێشی وێ كرن و هەر بۆ مێژوو هەتا بەری (دانیال میتران) وەغەر بكەت دگۆت من ب جلكێن كوردی و ئافرەتا كورد كرینە بەر خوە و ئێك ژ ئەوان جل و بەرگان بووینە یێ من شانازی پێ كرین و بەحسێ ئەوا جلكان دكر ئەوێن مە دیاری پێشكێشی كرین و ئەوێ دگۆت من سەرەدانا كەمپا مێردینێ یا كوردان كر و ئەوا جلكێن كوردی پێشكێشی من كرن و ل گەل بیرەوەریا ل گەلەك وەلاتان من ئەو جلك دكرنە بەرخوە و ژ ئەوان جلكان بوویە من شانازی پێ دكر و پشتی هاتنا وێ بۆ كەمپێ و رەوشا مە دیتی گەلەك و گەلەك داخبار بوو و هاتنا وێ ل گەل هژمارەكا باش یا رۆژنامەڤانێن فەرەنسی بوو بۆ كەمپێ و ئێكسەر هاتبوو كەمپا مێردینێ .
هێشتا گۆت: دەمێ (دانیال میتران) هاتیە كەمپا مێردینێ گەلەك خوە ل گەل كارگێری یا كەمپێ خوە عاجز كر و گۆتێ ئەڤ سەرەدەریا هەوە خوە مرۆڤ گەل ئاژەلان ناكەت و گۆتێ سەرەدەری یا هەوە گەلەك یا نەباشە ل گەل خەلكێ كورد ل ئەڤی جهی و گۆت ژ ڤێرە ناچم هەتا ئەڤ سیمە ژ دەردورێ كەمپێ نەهێتە راكرن و گەلەك هاریكارێ والیێ مێردینێ ما پێ ڤە بوو شرۆڤەكر و دانیالێ گۆتی ناچم هەتا ئەو سیمە نەهێـتە راكرن و حوكمەتا توركیا نەچار بوو ل چەند ئالیێن كەمپێ سیمە راكر وەك باوەری كو تە باوەری ب مە هەبیت دێ سیمەی راكەین و پشتی سەرەدانا دانیال میتران كاودان ل كەمپێ ژ قوناغەكێ دەبازی قونەغەكا دی بوون و سەرەدەریا كارگێری یا كەمپێ ل گەل خەلكی گەلەك هاتە گوهورین و هاتن و چوون بەرفرەهتر و ئازاتر لێ هات و تایبەت دەركەفتنا شولی و ئەز ئێك ژوان بووم سێ هەیڤان من ل نسیبینێ كاردكر و 49 رۆژا مامە ل باتمانێ و بێ دەستیردان و گەریانا مال من كاردكر و تو نەچار بووی چونكە ژین و ژیار بتنێ سەمونە و زەیتن و ساڤار نەبوو و نەچار بووی بچی كار بكەی و هندەك داهاتی بۆ خێزانا خوە ب دەست ڤە بینی دا بشێی بژی بەلكو كرینا جل وبەرگان بوو و نەخوشی بوون و باوەربكە خێزانا من ل وێرێ نەخوش كەفت و هێشتا ئم مژوول بووین و هندەك پارە وەك هاریكاری هاتن ژ دەرڤە بۆ كەمپێ هاتن و بەلاڤەكرن و 17 دینار مان و ئەو پارە ل دەڤ فەریق فاروقی بوون و هەڤالێن كومیتێ دناڤبەرا خوە دا گۆتن خێزانا كاك جەمالی یا نەخوشە و پێشتر یا نەخوش بوو و خوین كەفت بوو سەر دەمارەكا وێ و بەردەوام مە دبرە نوژداری و هەڤالان هنارتمە دەڤ فەریق فاروقی و ئەو 17 دینار بۆ چارەسەریا خێزانا من دانە من و ئەو پارە من كرە پارێ توركا و خێزانا خوە ژ مێردینێ برە نەخوشخانا دیاربەكر و نەخوشیێ، بڤی رەنگی پێدڤی بوو پارە بهێنە مەزاختن ل دەرڤەی كەمپێ، وی دەمی كابینەك دناڤ كەمپێ دا هەبوو و كەسەك بوو كافتریایەك ڤەكربوو و وی پارە وەرگێرا ویان ئەگەر كەسەك چووبا بازاری ئەوی ل بازاری پارە وەردگێرا كرە ئیراقی.
جەمال بەندی ئەو ژی گۆت: ل ئاوارەبوونێ ل وەلاتێ توركیا مە سێ كەمپە هەبوون كەمێن (دیاربەكر، مێردینێ، موشێ) قوناغ بۆ قوناغێ كاودانێن ژیانێ ل كەمپا دیاربەكر ژ هەر دو كەمپێن دی باشتر بوو ل ئاڤاهی دا بوون و دناڤ شقان دا دژیان و سەرەدەریا خەلكێ دیاربەكر ژی ل گەل خەلكێ مە باشتر بوو ژ هەر دو كەمپێن مێردینێ و موشێ و كاودانێن مە ل كەمپا مێردینێ ژ دیاربەكر خراپتر بوو بەلكێ ژ خەلكێ مە ل كەمپا موشێ باشتر بوو و خەلكێ مە ل كەمپا موشێ ئێكجار ئێكجار ل نەخوشیا دابوون و دەڤەرەكا بەفرین و سرو سارما و ئاڤاهیێن بێ سەروبەردا و پشتەڤانیا بۆ دهاتە دابینكرن گەلەك یا لاواز و نەباش بوو و ژێدەرێ گەرمكرنا خەلكی ل وێ كەمپێ هەمی (كومر)بوو و هەتا گەهشیتە وی ئاستی سترانبێژێن كومێدی ل وێ دەڤەرێ سترانەك ب (كومرێ) گۆت.
