دیمەنێن ژەهركرنا خەلكێ مە ل كەمپا مێردینێ چـو جاران ژ بـەر چاڤێن من ناچن
سالار محەمەد دۆسكی:
5-9
ژ مامۆستان دیسا(عرفان، تەیب) گەلەك مامۆستایێن هێژا هەبووینە بەلێ داخازا لێبورینێ دكەم گەلەك ماوە ب سەرڤەچوویە و رەنگە ناڤ ل بیرامن نەمابن، دا ژبیر نەكەین مە لژنەكا ساخلەمیێ هەبوو كو ژ چەندین نوژدارا پێك هاتبوو و ئەوێ لژنێ رۆلەكێ هەرە مەزن هەبوو و نوژدارێن توركا گەلەك گرنگی نەدا نەخوشێن مە و پتریا گرنگیا مە ل سەر نودارێن مە بوو و باوەر بكە دكتور كەمال نوكە ل فەرنسا دژیت بۆ مێژوو دێ بێژم ئەڤ مرۆڤە ژ هەژی یە پەیكەرەك بۆ بهێتە دروستكرن و بۆ مێژوو دێ بێژم ئەوا چار سالێن مێردینێ ئەگەر تو ب هەژمێری ئەوی هەیڤەكێ ب دروستی سەرێ خوە نەدانایە سەر بالیفكێ و ئەڤ و نیڤ شەڤا كارەب هەبا نەبا باران با سەرمابا گەرم با خوشی با نە خوشی با ئەو چادر چادر دگەری یا و خزمەتا خەلكی دكر وەك ئەركەكێ مرۆڤایەتی و نەتەوەیی دكتور(عەبدی، مكائیل، جەوزەری، كەریم) بازەربكە خوە نشتەرگەریێ، د دانا دكرن و ئەڤە هەمی نوژدارێ، شۆرشا گولانێ بوون و سەربورەكا باش هەبوو و نشتەگەریێن سڤك بۆ خەلكی كرن و رەنگە ئەڤە ژی شانسەك بیت ئەڤ نوژدارێن هوسا زیرەك و دەست هەل بەر ب ئەڤێ كەمپێ و خەلكی كەفتن، د.(محەمەد حەسەن) هەر چەندە ل گەل مە نەبوو ل كەمپێ دا لێ رۆلەكێ هەرە سەرەكی دچارەسەكرنا خەلكی دا هەبوو و هەتا رادەكی خەلكێ مە ئارام و تەنا بوو و باوەریەك بۆ دروست بوو.
پێشمەرگەیێ شۆرشا گولانێ جەمال بەندی ئەو ژی گۆت: لژنا ئنزیباتی ژ من وەك (جەمال بەندی، كەریم حەبیب، عومەر تروانشی بوو، لەزگین ئورەی، عەلی بێدهی، سەدیق هدێنەی) پشكا شێری یا خزمەتێ بەر ئەڤێ لژنێ كەفت بوو و دچار چووڤێ ئەڤان گوندان دا مە مە گوندێن گەلەك بوش هەتا سێ ئنزیباتا مە هەبوون و هەر گوندەكی مە ئنزیباتەك هەبوو و هەتا 106 ئنزیباتا مەهەبوون و هەر هەمی گەنج و خوبەش و كا چەوا ئەڤرۆ مە دژی تیرور هەیە ل كوردستانێ، زێرەڤانی و پولیس و ئاسایش تە هەیە رۆلێ ئەوا ئزیباتا د ئەوی چارچووڤێ چادرگەها مێردینێ دا ژ ئەڤی رۆلی كێمتر نەبوویە بەلكو زێدەتر بوو چونكە تو خودانێ خوە چ نەبووی نە چەك نە دەستهەلات و توویێ دناڤ چەند عەردەكی سیمەكری دا و سەردەریەكا تەمام یا نە مرۆڤانە توركا ل گەل ئەوی خەلكی دكر و ئەو ئنزیبات رێكخستن دكر و بتنێ پاتەكێ سور ب زانكا وان ڤە بوو وەك نیشان و قەمسەلێن ئێك رەنگ مە بوو دابینكرن و خەلكێ مە ژی گەلەك رێز ل ئەڤان ئنزیباتا دگرت و ئەگەر ئنزیباتەكی گۆتبا مرۆڤەكی ئەڤ تشتە نابیت و دروست نینە هەما دا بێژیت گەهشت وەكی ئنزیباتی بوو و مە هەر ئێك ژ گوندەكی وەرگرت بوو چونكە پێك هاتا كەمپێ ئەڤە بووینە و مە هەمیا پێكڤە ڤیا خزمەتا خوە بكەین وەك كومیتا ئنزیباتی هەر شەڤ خشتەك بۆ دهاتە دروستكرن و پێنچ كەس بۆ سەر عمبارا ئاڤێ و زێرەڤانیا عومبارا ئاڤێ دهاتەكرن و نابیت كەسەك نێزیكی عومبارا ئاڤێ بیت و جهێ مەترسیێ بوو و گەلەك جاران زانیاری دگەهشتنە مە، دیسا مە چەند كەسەك بۆ جهێن دەست ئاڤا دەست نیشانكرن و كارەكێ هوسا دكر هەست ب بەرپرسایەتیێ و روحەكا كوردینی خزمەتا مللەتێ خوە دكەت و خزمەتا مال و دایك و زارۆكێن خوە بكەی و كەسەكێ نە گۆت نە مجبوورم و ناكەم و كەس چ نادەتە من، پشكەكا دی یا ئزیباتا بۆ جهێ بەلاڤەكرنا داران دهاتنە دابینكرن و دار ب كیلویا ل سەر خەلكی دهاتنە بەلاڤەكرن و ئەڤە دا چ كێشە دناڤبەرا خەلكی دا دروست نەبن و موختارێن گوندان دا هێن و هەر گوندەك دا بەهرا خوە یا داران وەرگریت و ل دووڤ ئەوێ رێژا خەلكی ئەوا دهاتنە دارا بخوە ئەندامێن لژنا مە دهاتنە بەلاڤەكرن وەك پێشتر من گۆتی دا چ كێشە دناڤبەرا خلكی دا دروست نبن، دیسا دەمێ قەنینێن غازێ دهاتنە بەلاڤەكرن مە ئنزبات هەبوون مە ل ئەوان جهان بەلاڤە دكرن.
جەمال بەندی ئەو ژی گۆت: بۆ ئافرەتێن دوگیان وەك شێوازێ كوردەواری داپیرك هەبوون و هەتا نەخوشخانا كەمپێ هاتیە ڤەكرن و ئێدی برینپێچێن ئافرەت و نوژدار ژی هاتنە وێرێ و هندەك جاران حالەت، بگشتی مە پێنچ لژنێن سەرەكی هەبوون كو سەرپەرشتیا هەمی سكتەرێن ژیانێ دناڤ كەمپێ دا دكر و ل گەل كومیتا سەرەكی یا سەرپەرشتیار كو راستەوخو یا گرێدایی بوو ل گەل سەركردایەتی یا كوردستانێ و تایبەت پارتی دیموكراتی كوردستان و جەنابێ سەرۆك بارزانی و چارەنڤێسێ سیاسی یێ كەمپێ د دەستێ ئەڤێ لژنێ دا بوو .
جەمال بەندی بەحسێ ناڤێن ئەوا زارۆكان دكەت ئەوێن شنی دهاتنە سەردونیایێ ل كەمپا مێردینێ و گۆت: ئاوارەبوون، مێردین، دەربەدەر، شۆرەش، گەلەك ناڤێن دی ژی هەبوون خەلكی دانانە سەر زارۆكێن خوە وەك دەربرینەك ژ هەست و ڤیان و سەقایێ ژیانێ یێ وی سەر دەمی یێ تێدا دژیان.
جەمال بەندی، پێشمەرگەیێ شۆرشا گولانا پێشكەفتن خواز زێدەتر گۆت: رۆژ بۆ رۆژێ رەوش و ژیان ل كەمپا مێردینێ بەرەڤ باشتر چوو، هەر ئاهەنگ و بیرەوەریەكا كوردستانێ یا مللەتێ مە ل كەمپا مێردینێ ب چالاكیێن هەرە باش و رێكخستی هاتنە ساخكرن وەك ئاهەنگا نەوروزێ گەلەك ب شێوەكێ جان و مەزن و بەرهەڤیێن تەمام و خشتەكێ دارێتیێ پر چالاكی و خواندنا پەیڤان بۆ دهاتنەكرن و هەتا زارڤەكرنا كاوەیێ ئاسنگەر دهاتەكرن و هەتا نوكە ژی مەهدی مەمانی یێ ساخە وی رۆلێ زوحاكی دگێرا و هەڤالەك مە هەبوو رۆلێ كاوەی دگێرا و ئەڤە دەربرینەك بوو ژ ئازا و نەخشی یا مێژوویا مللەتێ كورد و ل دووماهیێ ب سەر زولم و ستەمێ دكەفتن و ئاهەنگا نەوروزێ ل كەمپا مێردینێ وی دەمی گەلەك و گەلەك گرنگی مەدایێ، 16 تەباخێ سال رۆژا دامەزراندنا پارتی دیموكراتی كوردستان هەر سال مە ساخكر ڤە، هەر سال سال رۆژا بیروەریا شۆرشا ئیلونێ مە ساخكرە ڤە،.
