دیمەنێن ڤەجنقی ژ دۆزەخا ئاڤێ
دلدار محەمەد
دیمەنێ ئێكێ:
رووبار مرۆڤان دبەن، رێكا ڤەگەرێ هندا دكەن، چاڤ ژی نفرینان ل بیناهیا خۆ دكەن.
دیمەنێ دووێ :
مرۆڤ ب دلێن شكەستی ڤە ببێژنە ئێك و دو سەرێ تە ساخ بیت.
دیمەنێ سییێ:
ئەو تشتێ ب رەنجا هزار رۆژێن ب زەحمەت ڤە هاتی
بێ دەستیری پێلەكا ئاڤێ بر و چوو.
دیمەنێ چارێ:
ما كی دزانیت كی خەندقیترە
ئەوێ پێلێن ئاڤێ بری یان ئەوێ پلێن ئاڤێ خەونێن وی برین؟
دیمەنێن پێنجێ:
ئەڤرۆكە بتنێ سۆزا نەبارینێ ژ چاڤێن خۆ وەرگرتبوو، هشكەرووی ئەڤرۆ ژی ئەو سۆز پرتكاند.
دیمەنێ شەشێ:
هەمی سپێدا شەرم ژ هەڤژینا خۆ دكر، بەلێ ڤێ سپێدێ شەرم ژ رۆژێن پالەتییا خۆكر.
