دیمەنێ چیمەنێن بیابانان بنئاخكرین

سالح دۆسكی

ل وێ بیابانێ
چالێن مەزن دەڤێن خۆ ڤەدكەن
مینا ئەختەرێن كەڕ و كۆرە
گوندا دادعویرن
وەكی چەوا شەڤ
ستیرێن خوە یێن یاخی دادعویریت.
زارۆك..ژن..پیرە كال
دەستێن ب خیزیڤە و گیان ل چیا
هەر وەكی دڤیان خۆ بچیین وەكی داران
لێ شەفەران د مرنێ دا جكلاندن و هەر نەمرن
بلند فڕین و هەر یێن دفڕن..
شیرێ دایكان ل سەر لێڤێن ساڤا
هشك بوو و نەگەهشتن ڤەخۆن
خیزی نەشیا ڤەخۆت
خیز ژی بێدەنگە
دیدەڤانەك ترسنۆكە..
داپیرا ژ هەردو چاڤان كۆرە
ب تنێ قیژی و هەواران گوهلێ دبیت
نەشێت چ بكەت
ب تنێ د روحا خۆدا د هەرشیت
ئەو خەونێن ژ دلێن وان فڕین
نەشیان هشا پیرۆزییا چیا
ژ فەرهەنگا وان ببەت..
هێشتا ل هنداڤ مەنە
ناڤێن خۆ
دگەل چپكێن بارانا سەرێن پاییز
دكەن دیاری و
تێكەلی بنارێن چیا
ل سەر كەڤران
د ناڤ دلێ مەدا
ب حوبرێ زیدیبوونێ
دنڤیسن.
و با وان دكەت هەلبەستەكا بێ داوی
ل سەر ئەنیا دیرۆكێ
نفرەتا ل تاوانباران دكەت
و ب ئازادییا مە شادن
هەمی ئێڤارێن نەورۆزا
وەكی بلبێن شەیدا
ل سەر كۆپێن چیا داددن.

کۆمێنتا تە