دیوارێن عشقێ
کاژین یوسف دۆسکی
وەک ئێخسیران یا کەتیم بەر ڤان دیواران
یێن من پەیڤێن عشقێ بۆ تە ل سەر دنکلاندن
ل بەر وانان هۆزان ب تە ڤەدهاندن
ئەو ببوونە باژێڕێ من و تە
دیدەڤان بوون ل سەر عەشقا مە
نە تو مای نە هۆزان
نە ئەڤینی ونە ستران ..
بتنێ یێن ماین ئەز و دیوار
نوکە ئەو یێن بووینە چۆلستان
هەر جار دچم سەرێ خۆ پێڤەدنم
بۆ وان بەحسا تە دکەم ..
دلێ خۆ بۆ وان ڤەدکەم
رۆندک وخەمێن من ..
بوونە دو مرجێن مەزن
ب سەرێ واندا دکرە حنگێن و دنگێن
هەتا تیک و دەرز ل وان ژی دیاربووین
دڤێ ئێکێدا ئەم وەک هەڤ بووین ..
لەو ل دووماهییێ ئەم عاشقی ئێک بووین
نوکەژی ئێک رۆژ ژی بێی وان ناژیم
ئەو یێن بووینە جهنشینا من ..
