دیک چینی: داعش دێ ھێرشەکا ئەتۆمی ل سەر ئەمریکا کەت
ئەڤرۆ نيوز:
جێگرێ بەرێ یێ سەرۆکێ ئەمریکا راگەھاند، باراک ئۆباما شاشیەکا مەزن کر و ئەو بەرپرسیارێ راستەوخوەیە ژ پەیدابوونا داعشێ.
دیک چینی جێگرێ سەرۆکێ ئەمریکی یێ بەرێ جۆرج بوش بۆ کەنالێ (سی ئێن ئێن) یێ ئەمریکی گوت” ئۆباما یێ شاشە دەمێ من و جۆرج بوشی ب ئەگەرێ پەیدابوونا داعشێ دزانیت، چونکی وی دەمی مە د ناڤبەرا سالێن ٢٠٠٧ و ٢٠٠٨ ێ ھژمارا ھێزێن لەشکرێ ئەمریکی ل عیراقێ زێدەکر، دەمێ ئەم ل سەر حوکمی ژی نەماین ل ئەمریکا، عیراق د بارودۆخەکێ باش دابوو، بەلێ ئەوێن پشتی مە ھاتین سەر حوکمی شکەستن ئینا د بەردەوامی دانێ ب کارێ مە و لەشکرێ ئەمریکی ژ عیراقێ ڤەکێشا و ڤالاتی دروستکر و داعش ھات بۆ تژیکرنا وێ ڤالاتیێ”.
ل دۆر مەترسیێن داعشێ ل سەر ئاسایشا نیشتمانی یا ئەمریکی ل سەر ئاخا ئەمریکا، دیک چینی گوت” گەلەک د مەترسیدارن و دشێن ژناڤ ئەمریکا خەلکی ڕابکێشنە دناڤ رێزێن خوەدا و بکەنە داعش وبۆ عیراقێ و سووریێ بھنێرن و ب دیتنا من مەترسیا وان جۆرە کەسان رۆھنتر دھێتە دیتن دەمێ ڤەدگەرن بۆ ئەمریکا، دبیت ل وێرێ بھێنە مەشقدان و دشێن دناڤ ئەمریکا دا خەلکەکێ دی بلڤینن و بکەنە ھەلگرێن وێ ئایدیۆلوژیێ ئەوا وەلێدکەت خوە بکەنە قوربانی بۆ داعشێ و ئەڤ چەندە گەلەک یا مەترسیدارە ب تایبەتی ھەکە ھزر د ئاسۆیێن پەرەپێدانا چەکێ ئەتۆمی ل رۆژھەلاتا ناڤێن بکەین”.
چینی ل دۆر پێشبینیا ھێرشەکا نوو وەک ئەوا ل ١١ سبتمبەرێ ل سەر ئەمریکا ھاتیە کرن، دبێژیت” ب دیتنا ھێرشەکا ب وی شێوەی دێ ل سەر ئەمریکا ھێتە کرن و ب چەکێ مەترسیدارتر ژی، دبیت ئەو ھێرشە ب چەکی کیمیاوی، یان بیۆلۆژی، یان ئەتۆمی بیت”.
