دی برۆین دێ چاڤ ل رۆنالدۆیی كەت
راپۆرتێن روژنامەڤانی ل هەردو وەلاتێن ئنگلتەرا و سعۆدیێ دۆپاتی ل سەر هەبوونا دانۆستاندنا دناڤبەرا یانەیا مانچستەر ستی یا ئنگلتەرایێ و نەسر یا سعۆدیێ كرییە و گرێبەستەكا گران بوها هاتیە تەخمینكرن.
ل دووڤ رۆژنامەیا ئەلیەوم یا سعۆدیێ كو ل سەر راسپاردا سندۆقا وەبەرهێنانێ یانەیا نەسر یا سعۆدیێ دەرگەهێ دانۆستاندنێ دگەل ستێرێ بەلجیكی و یانەیا مانچستەر ستی یا ئنگلتەرایێ كێڤن دی برۆین و ئەو گرێبەستا هاتییە تەخمینكرن نێزیكی 75 ملیۆن یۆرۆیانە بەری ب دووماهی هاتنا گرێبەستا وی یا فەرمی دگەل یانەیا ئنگلتەرایێ ئەوا دێ ل هاڤینا سالا بهێت ب دووماهی هێت، لێ دوور نینە ژی ئەڤ كۆژمە نە مینت و بەلاش بهێتە خولا سعۆدیێ هەكە مان ستی هەتا زڤستانا ئەڤ سالە یاریزان نە فرۆت.
ژلایێ خوەڤە رۆژنامەیا سەن یا بریتانی ئەوچەندە دۆپاتكر كو دانۆستاندن هاتینە كرن و یانەیا نەسر بەرهەڤە هەتا زڤستانا ئەڤ سالە نیزیكی 75 ملیۆن یۆرۆیان پێشكێش بكەت و دوور نینە یانەیا ئیتحاد ژی بهێتە دناڤ دانۆستاندنێن گرێبەستێ دا.
