دێرازۆرێ دبیتە مەیدانا شەڕەکێ نوو
ناڤەندا چاڤدێریا مافێن مرۆڤی یا سووریێ دیار کر، چەکدارێن هۆزێن عەرەبی ل دێرازۆرێ ژ بەر پەترۆلێ و داهاتێن دی شەڕێ هەڤدو دکەن و هەتا نها ب دەهان چەکدار هاتینە کوشتن و حوکمەتا سووریێ ژی هەتا نها نەشیایە رەوشا دێرازۆرێ کۆنترۆل بکەت و چەکدارێن عەرەب ئاگر بەرداینە بیرێن پەترۆلێ و نها رەوشا دێرازۆرێ گەلەک ئالۆزە و رەوش هەر کو دچیت خرابتر لێ دهێت.
سەرۆک هۆزێن ل دێرازۆرێ ژی دیار دکەن دڤێت پشکەک ژ داهاتێ پەترۆلێ بۆ وان بیت و دڤێت حوکمەتا سووریێ ژی داخوازیا وان قەبوول بکەت و هەکە حوکمەت ل دژی داخوازیا وان دەرکەڤیت ئەو ژی رێ نادەن چو وەربەرهێنان ل کەرتێن پەترۆلێ ل دێرازۆرێ بهێنە کرن.
چاڤدێرێن سیاسی ل سووریێ ژی دیار دکەن، ئالۆزیێن ل دێرازۆرێ دێ کاریگەریا خوە ل رەققە و دەڤەرێن دی ژی کەن، چونکی رەوشا سووریێ دێ گەلەک ئالۆزتر لێ هێت.
