دێرینێن ئیراقێ و كوردستانێ دێ یارییەكا هەڤالینی ئەنجامدەن
سەرۆكێ دەستەیا یاریزانێن دێرین یێن هەلبژارتیێ ئیراقێ یا فوتبۆلێ ڕاگەهاند ل دووماهییا ڤێ حەفتیێ دێ یارییەكا هەڤالینی دگەل هەلبژارتیێ دێرینێن كوردستانێ ل هەولێرا پایتەخت كەن.
سامر سەعید زێدەتر بۆ دەزگەهێن ڕاگەهاندنێ گۆت: پشتی كۆمبوون دگەل سەلاحەدین سیابەند سەرۆكێ فدراسیۆنا فوتبۆلا كوردستانێ كری و گەنگەشە ل سەر چەندین بابەتان هاتە كرن، ڕێكەڤتن ژبۆ خزمەتا وەرزشڤانێن ئیراقێ و كوردستانێ هاتە كرن تایبەت ژلایێ وەرگرتنا شارەزاهیێ و دانانا خول و سمیناران، هەر ل سەر ڕێكەڤتنی بڕیار هاتە دان ب ئەنجامدانا یارییەكا هەڤالینی ل رۆژا پێنچ شەمبییا بهێت دەمژمێر پێنچ و نیڤێ ئێڤاری ل هەولێرا پایتەحت، پێخەمەت زێدەتر نێزبوونا دێرینێن هەلبژارتیێ ئیراقێ دگەل یێن كوردستانێ.
هەروەسان ناڤهاتی گۆت: ئەڤە نا بیتە جارا ئێكێ هەلبژارتیێ كوردستانێ و ئیراقێ یێن دێرین یاریێ بكەین پێشتر بەری چەند سالان ل پارێزگەها دهۆكێ ژی هەڤكاری و نێزكبوون دناڤبەرا هەردو هەلبژارتیان هەبوو، پێنەڤێت ئەڤ یارییە وەكو ڕێزگرتنە بۆ ئەوان یاریزانێن خزمەتا وەرزشا ئیراقێ و كوردستانێ كرین، بزاڤێن مە ژی دێ ئەوبن هەموو یاریزانێن ب ناڤ و دەنگ یێن پێشتر و دێرین دناڤا یاریگەهێ دا بەرهەڤبن و جەماوەر خۆشیەكا تایبەت ژ دیتنا یاریێ بینیت.
سامر سەعید گۆت ژی: ئەم دێ د بەردەوامبین دگەل بەرپرسێن وەرزشی یێن كوردستانێ ژبۆ پێنگاڤێن باشتر تایبەت پێشكێشكرن و دانا زانیاری و شارەزاهیێ پێخەمەت پێشكەڤتنا وەرزشا ئیراقێ و كوردستانێ، سۆپاسییا سەرۆكێ فدراسیۆنا فوتبۆلا كوردستانێ دكەین كو دەرگەهێ خوە بۆ دێرینین ئیراقێ ڤەكرین و ئەڤە ژی بەلگەیا هەبوونا ئێكگرتن و ڤیانێ یە د وەرزشێ دا.
