دێرین مه‌حمود: یاری د خولا سعۆدیێ دا پێنگاڤه‌كا سه‌ركه‌فتی بوو
ئه‌ڤرۆ، بیاف مه‌جید :
د دیداره‌كا تایبه‌ت دا دێرین مه‌حمود یاریزانا به‌رێ یا یانه‌یا ئافره‌تێن دهۆكێ و یانه‌یا هیلال یا سعۆدیێ بۆ رۆژناما ئه‌ڤرۆ گوت: پشتی یانه‌یا هیلال داخاز ژ من كری بوو ئیمزاكرنا هه‌ڤبه‌ستێ ئێكسه‌ر رازیبووم، ژبه‌ركو خه‌ونا من بوو ببمه یاریزانه‌كا پیشه‌كار و كرنا یاریێ ل یانه‌كا وه‌كو هیلال خه‌ونا هه‌ر یاریزانه‌كێ یه.
هه‌ردیسان ناڤهاتی گوت: یانه‌یێن سعۆدیێ نوكه گرنگیه‌كا مه‌زن ب ئینانا یاریزانێن كچ یێن پیشه‌كار دده‌ن، بوو وه‌رزێ ئه‌ڤ ساله چه‌ندین یاریزانێن كچ ژ وه‌لاتێن پێشكه‌فتی په‌یوه‌ندی ب خولا سعودیێ كرینه و چوونا خوه بوو خولا سعودیێ ب پێنگاڤه‌كا سه‌ركه‌فتی دبینم.
سه‌باره‌ت پێشكه‌فتنا یارییا ته‌پا پێ ل ئیراقێ دێرین گوت : دناڤا ئیراقێ دا یاریزانێن باش هه‌نه لێ مخابنی ڤه پشته‌ڤانیا باش نینه بوو وه‌رزشا ئافره‌تان تایبه‌ت یارییا ته‌پا پێ .
سه‌باره‌ت یاریزانێن كچ یێن كورد دێرینێ ئاماژه ب وێ چه‌ندێ كر هه‌بوونا قاره‌مانیێن به‌رده‌وام یێن به‌ری نوكه ل سه‌ر ئاستێ هه‌رێمێ ئێك ژ خالێن سه‌ركه‌فتنێ بوو ل سه‌ر ئاستێ ئافرتان و د ناڤا هه‌رێما كوردستانێ دا چه‌ندین راهێنه‌رێن خودان شیان هه‌نه.
ل دووماهیێ یاریزانا كورد دیاركر پشتی خولا سعۆدیێ ب دووماهیی بهێت ئه‌و دێ ڤه‌گه‌ریته كوردستانێ و ئه‌گه‌ر ده‌رفه‌ت هه‌بوو، دێ یاریێ بوو یانه‌كا كوردستانێ كه‌ت و پاش جاره‌كا دی ڤه‌گه‌ریته ژیانا خوه یا پیشه‌كاریێ ژبه‌ركو دخوازیت به‌ر ب خولێن مه‌زنتر و بهێزتر بچیت.
