دێل بوسكي د بزاڤێن دياركرنا ئێسپانيه‌كا نوو دا
هه‌لبژارتيێ ئسپانيا دێ وه‌رزه‌كێ نوو ده‌ستپێكه‌ت پشتي پشكداريه‌كا نه‌خوش د مونديالا 2014 دا ل به‌رازيل ده‌مێ ياريه‌كا هه‌ڤاليني هه‌مبه‌ر هه‌لبژارتيێ فره‌نسا دكه‌ت ئه‌ڤ شه‌ڤه ل پاريس.
راهێنه‌رێ هه‌لبژارتيێ فره‌نسا پشتي هه‌ڤبه‌ستا وي هاتيه نووكرن ژلايێ ئێكه‌تيا ته‌پا پێ يا ئسپانيا ڤه و باوه‌ري پێ هاتيه دان پشتي ژ ده‌ست دانا ناسناڤي، ڤي راهێنه‌ري شيان مه‌زاختينه هژماره‌كا ياريكه‌رێن نوو داخواز بكه‌ت تايبه‌ت بو ياريا هه‌مبه‌ر فره‌نسا و دووڤدا مه‌قدونيا ل روژا دوشه‌مبيا بهێت ل ڤالنسيا د چارچوڤێ ڤاڤارتنێن كاسا نه‌ته‌وه‌يێن ئوروپا 2016 ژبو پارستنا ناسناڤێ ل 2008 و 2012 برين.
ديسان پشتي مونديالا به‌رازيل و ده‌ركه‌فتنا هه‌لبژارتيێ ئسپانيا ژ قوناغا ئێكێ هژماره‌كا ياريكه‌رێن وێ ده‌ست به‌ردانا خوه ل سه‌ر ئاستێ نێڤده‌وله‌تي راگه‌هاند، ل پێشيا وان چاڤي هێرناندز، چاپي ئه‌لونسو و داڤێد ڤيا و ئه‌ڤ چه‌نده بو رێخوشكه‌ر راهێنه‌رێ ئسپانيا دێل بوسكي هژماره‌كا ياريكه‌رێن گه‌نج داخواز بكه‌ت ل پێشيا وان مارك باترا يێ 23 سالي و داني كارباخال يێ 22 سالي و ميگێل سان خوسيه يێ 25 سالي بو هێلا به‌ره‌ڤانيێ و بو هێلا هێرشبه‌ريێ باكو ئه‌لكاسير يێ 20 سالي و ئيسكو يێ 22 سالي و ديسان د گه‌ل گولچي بيبي رينا و هێرشبه‌رێ به‌رنياس فێرناندو تورێس د گه‌ل خوان ماتا يێ هێلا ناڤين، لێ جيرار پێكيه و ئه‌ندريس ئه‌نيستا و خافي مارتينز ب ئه‌گه‌را هنگافتنێ نه‌شێن پشكداريێ بكه‌ن.
ل هه‌مبه‌ر هه‌لبژارتيێ فره‌نسا ئه‌وا ب سه‌ربلندي ژ به‌رازيل ڤه‌گه‌رياي و شياي ده‌ربازي قوناغا چارێك دووماهيا مونديالێ بيت و شه‌رمزاريا مونديالا ژێريا ئه‌فريقيا ژ بيرا جه‌ماوه‌رێ خوه ببه‌ت، دێ د به‌رهه‌ڤيه‌كا باش دابيت بو ڤێ ياريێ هه‌ر چه‌نده ئێكسه‌ر دێ پشكداري ياريێن دووماهيا كاسا نه‌ته‌وێن ئوروپا بيت چونكو وه‌لاتێ مێڤانداره و ديسان دێ پشكداري ڤاڤارتنێن كوما نه‌هي بيت يا پێكهاتي ژ پرتوگال، دانيمارك، سربيا و ئه‌لبانيا و ئه‌رمينيا، هه‌ر چه‌نده ئه‌نجامێن وێ ناهێنه هژمارتن چونكو مێڤانداره و ئه‌ڤ ياسايه نوو هاتيه ده‌ركرن كو وه‌لاتێ مێڤاندار پشكداري ڤاڤارتنا بيت ژبه‌ركو ل ده‌مێ به‌رهه‌ڤيا نه‌شێت وه‌كو پێدڤي ياريێن هه‌ڤاليني بكه‌ت.
