دێ هندەك پارچەیێن مۆزیكێ كلیپ كەت
زنار تۆڤی:
رەوان لۆقمان، مۆزیكژەنەكێ گەنجە، خەلكێ باژێرێ زاخۆیە، د دیدارەكێ دا بۆ رۆژناما ئەڤرۆ دیاركر كو ئەو دەرچوویێ كۆلیژا هونەرێن جوانە پشكا مۆزیكێ ل هەولێرێ، وی ئامیرێ كلارنێتێ هەلبژارتیە، ژبەركو ژەنیارێن وی ئامیری دكێمن.
ناڤهاتی گۆت: ل سالا 2009 من دەست ب كارێ مۆزیكێ كریە، بەلێ ژبەر هندەك كاودانان ل سالا 2018 من دەست ژێ بەردا و ڤێ چەندێ كارتێكرنەكا خراب كریە سەر ئاستێ من یێ هونەری، بەلێ ئەڤە چەند هەیڤن جارەكا دی من دەست ب ژەنینا كلارنێتێ كریە
بەلێ ئەز نەشێم دەبارا خۆ ب كارێ هونەری بكەم و ئەز دخوازم هونەر ببیتە كلتۆرەكێ جوان دناڤ مللەتێ مەدا، داكو ئەم ژی وەكو مۆزیكژەن بشێن مفایی ژ هونەرێ خۆ ب بینین و ژیانا خۆ پێ ب رێڤە ببەین، دیسان خەلك گەلەك حەز دكەت ل جهێن گشتی ئەم مۆزیكێ ب ژەنین و من ل بەرە ئەز هندەك پارچە مۆزیكان بژەنم و بكەمە كلیپە موزیك.
