دێ پشكداریێ د فەستیڤالەكا دەولەتی دا كەت
سولین سلێمان:
خانما وێنەگر (شیلان عەبدولرەحمان) كو ژپارێزگەها سلێمانیێ یەو ژدایكبوویا سالا (1985) یە، د دیدارەكێ دا بۆ رۆژناما ئەڤرۆ گۆت: هەر چەندە كارێ من یێ سەرەكی ئەز ماموستامە، لێ زێدەتری حەفت سالانە وێنەیان ژی دگرم و هەتا نوكە من (19) باوەرنامە دبۆراێ فۆتۆگرافەریێ دا وەرگرتینە.
هەروەسا گۆت: ئەز بەردەوام وێنەیێن بووك و زاڤا و رۆژێن ژ دایكبوونان و هەر هەلكەفتەكا دی دگرم، هەروەسا دچمە ئاهەنگ و چالاكیان و خەلكەك داخوازێ ژمن دكەن وێنەیێن وان بگرم و هەتا نوكە ل ناڤ هەرێمێ و دەرڤە من پشكداری د نوزدە پێشانگەهێن هەڤپشك دا كریە و ل نێزیك دێ پشكداریێ د پیشانگەهەكا دەولەتی دا كەم كو ل ولاتەكێ ئۆرۆپی دێ هێتە ڤەكرن.
