دێ چاوان ئاگه‌هداریان ب رێیا رۆناهیێ ژ مۆبایلا خوه وه‌رگری
ئه‌ڤرۆ:
گه‌له‌ك تشت یێن هه‌ین د مۆبایلێن مه دا، هه‌ر چه‌نده د بچووكن ژی، به‌لێ د دیتنا مه دا دگرنگن و هه‌كه بۆ هه‌موو كه‌سان ژی نه‌بیت بۆ هنده‌ك كه‌سان. وه‌كو مایك، رادیۆ و رۆناهیا ئێل ئی دی و گه‌له‌ك تشتێن دی.
یا دووماهیێ كو ئاگه‌هداركرنه ب رێیا رۆناهیێ د گه‌له‌ك مۆبایلان دا نینه، ژ به‌ر هندێ ژی پێدڤیه ئه‌پلیكه‌یشنێ NotifyBuddy د مۆبایلا خوه دا دانلۆد بكه‌ی دا كو بشێی مۆبایلا ته ب رێیا رۆناهیێ ته ئاگه‌هدار بكه‌ت.
ئه‌ڤ خزمه‌ته د شیان دایه بهێته بكارئینان بێ كو گه‌له‌ك ژ بارگا مۆبایلا ته بچیت. ژ به‌ر كو هه‌مان ساخله‌تێ ئاگه‌هداركرنێ یه یێ نها ژی د مۆبایلا ته دا هه‌یی. رۆناهی ب رێیا به‌رنامێ NotifyBuddy دێ ته ئاگه‌هدار كه‌ت ل سه‌ر هه‌ر تشته‌كێ پێشتر بێ رۆناهی تو پێ دهاتیه ئاگه‌هداركرن.
هه‌ر ده‌ما ڤی به‌رنامه‌ی دانلۆد دكه‌ی ل سه‌ر ته پێدڤیه رێ پێ بده‌یی دا كو بگه‌هیته جهێ ئاگه‌هداركرنێ دا كو بشێت ب دروستی كارێ خوه بكه‌ت، پاشان وان به‌رنامان ده‌ستنیشان بكه یێن ته دڤێت پێ بهێیه ئاگه‌هداركرن پاشان ژی دشیان دایه ره‌نگێ رۆناهیێ ژی ل دووڤ خواستنا خوه ده‌ستنیشان بكه‌ی.
