دێ چاوا فێقیه‌كێ ساخله‌م ل بازاری كری؟
ئه‌ڤرۆ، به‌رپه‌رێ ساخله‌میێ:
٭ بۆ هه‌لبژارتنا ته‌ماتێ، هه‌ول بده وان ته‌ماتا هه‌لبژێره كو ره‌نگێ كه‌سك تێدا نه‌بیت، چ جار وان ته‌ماتا نه‌كره كو كۆمه‌ك بن ب قه‌ده‌كێڤه، چونكو كێمتر ماددێن خۆراكی و ڤیتامینان ب خوەڤه‌دگریت.
٭ بۆ هه‌لبژاردنا شتیێ گه‌هشتی، ئه‌و شتیێن چمبلكێ وان پێڤه‌مای هێشتا باش نه‌گه‌هشتینه، هه‌روه‌سا قه‌بارێ وان بچووكتره و ره‌نگێ وان تاریتره، هه‌روه‌سا شتیێ گه‌هشتی ل ده‌مێ ده‌ستێ خوه لێدده‌ی ده‌نگ ڤه‌دده‌ت.
٭ بۆ هه‌لبژاردنا فلفلان، دو جۆر هه‌نه، ئه‌وژی توخمێ مێ و نێر هه‌نه، فلفلێن مێ د شرینن و بۆ خوارنێ ب كاردهێن، و نێرێن وان بێتامن، به‌لێ تو دشێی بۆ ناڤخوارنێن كه‌لاندی ب كاربینی، بۆ هندێ مێ و نێران د فلفلێ دا دیاربكه‌ی، به‌رێ خوه بده بنێ فلفلێ، د مێیان دا ل چار پشكا پێكدهێت، ل نێران دا ل سێ پشكان پێك دهێت.
٭ بۆ كڕینا سێڤه‌كا ساخله‌م، به‌رێ خوه بده كێشا وێ كو دڤێت پیچه‌ك یا گران بیت، هه‌روه‌سا دووربكه‌ڤه ل كرینا سێڤێن ته‌یسۆك، چونكو كه‌رسته‌كێ وه‌ك شه‌مایێ لێ دكه‌ن و زیان بۆ ساخله‌میێ هه‌یه، هه‌روه‌سا ل ده‌مێ كڕینا سێڤا كه‌سك دا پێدڤیه پشكا سه‌ری ره‌نگێ وێ قه‌هوائی بیت، چونكو ئه‌و دیاردكه‌ت كو یا پێگه‌هشتیه.
٭بۆ هه‌لبژاردنا مۆزه‌كا ساخله‌م، هه‌ول بده ره‌نگێ وێ زه‌ره‌كێ تاری بیت، هه‌بوونا خالێن قه‌هوائی نیشانه بۆ پێگه‌هشتنا هه‌موو مۆزێ.
