دێ چـاوان فلاشـێ پێشیا مۆبـایلێ هەلكەی؟
هندەك مۆبایلێن زێرەك لایتەكا ب رەخ كامیرێن پێشیێ ڤە هەیی، مەرەما سەرەكی ژی ژێ ئەوە كو وێنێن تە یێن سێلفی تاری دەرنەكەڤن.
د ڤی بابەتی دا، نە ب تنێ دێ بەحس ل ڤەكرنا فلاشی كەین، بەلكو دێ نیشا تە ژی دەین دێ چاوان ب رەنگەكێ خۆش و ب ساناهی دەیە كاری.
ئەپلیكەیشنێ Front and Back Flashlight بۆ كاراكرنا فلاشێ پێشی پاشیا مۆبایلێ دانلۆد بكە. هەرە د ناڤ ئەپلیكەیشنی دا، دێ دو هەلبژارتنان بینی، ئێك بۆ هەلكرنا
فلاشێ پێشیا مۆبایلێ و ئێك ژی بۆ هەلكرنا فلاشێ پاشیا مۆبایلێ كو دشیان دایە هەردویان د ئێك دەم ژی دا هەل كەیی. یان ژی تە كیش فلاش بڤێت ب ساناهی دێ هەل كەیی؛ یێ پێشیێ یان یێ پاشیێ. بۆ ڤەمراندنێ ژی دێ هەر وێ دوگما تە بكارئینای دووبارە كەیە ڤە دێ هێتە ڤەمراندن.
ئەڤ ئەپلیكەیشنە رێ ددەت تو فلاشێ پێشیێ ب هێلیە هەلكری ژی
بێ كو تو د ناڤ ئەپلیكەیشنی دا بمینی و ب ڤێ رێ دشیان دایە بچیە د ناڤ هندەك ئەپلیكەیشنێن دژی دا.
تشتێ دلڤەكەرێ ڤێ ئەپلیكەیشنێ ئەوە ژی كو تو دشێی بچووكریێ ڤێ ئەپلیكەیشنێ بدانیە سەر شاشا سەرەكی یا مۆبایلا خوە و چ جورێ تە بڤێت یێ فلاشی هەل كەیی و ب ڤەمرینێ ل دووڤ حەزا خوە.
