دێ چ خوی دا تێر بنڤی؟
ئەڤرۆ نیوز:
گه‌له‌ك جاران پشتی خوارنا دانه‌كێ قه‌له‌و مرۆڤ هه‌ست ب وه‌ستیانێ دكه‌ت، مرۆڤ گازنداژی دكه‌ت كو نه‌شیایه تێر بێهنا خوه ڤه‌ده‌ت، به‌لێ ل دووڤ ڤه‌كولینه‌كێ دیاردبیت كو ئه‌ڤێ چه‌ندێ چ په‌یوه‌ندی ب نڤستنێ ڤه نینه، به‌لكو په‌یوه‌ندی ب خوارنا مرۆڤی ڤه هه‌یه.
ل زانكۆیا بنسلفانیا ڤه‌كوله‌ران دیت كو ئه‌و وه‌ستیان و دامابوونا مرۆڤ ب رۆژێ هه‌ست پێ دكه‌ت و ب تایبه‌ت ل ده‌ڤ فه‌رمانبه‌ران ره‌نگه ئه‌گه‌رێ وێ جوره‌كێ تایبه‌ت یێ خوارنێ بیت، ڤه‌كوله‌ر دبێژن كو هه‌تا هه‌كه مرۆڤ بنڤیت ژی هه‌ستا مرۆڤی خوش نابیت، ئانكو هه‌كه مرۆڤ تێر بنڤیت و خوارنه‌كا قه‌له‌و یان گران بخوون دێ هه‌ست ب دامابوونێ كه‌ت.
دلایه‌كێ دیتر دا ڤه‌كوله‌ر دبینن كو خوارنا پری نه‌شه‌ویات دێ كارتێكرنێن به‌روڤاژی هه‌بن، هه‌ستداریێ زێده‌دكه‌ن و مرۆڤی پتر ئاگه‌ه ژ خوه هه‌یه و هشیاردمینیت و ئه‌ڤه‌ژی یا گرنگه بۆ هنده‌ك پیشه‌یان، ل پشكا پزیشكی یا زانكۆیا بنسلفانیا گه‌هشته ڤان ئه‌نجامان پشتی كو ڤه‌كولین ل سه‌ر 30 كه‌سان كرین كو هه‌موو د ساخله‌میه‌كا باش دابوون و ژیێن وان دناڤبه‌را 18-65سالیێ دابوون و پشكدارێن ڤه‌كولینێ دهنده‌ك ژوورێن تایبه‌ت دا نڤستن و خوارنێن جورا و جور خوارن و د ئه‌نجامدا دیاربوو كو زێده‌بوون و كێمبوونا پرۆتینان چ كارتێكرنێ ل دامابوونا رۆژێ ناكه‌ت به‌لكو خوارنێن گرانن دبنه ئه‌گه‌رێ ڤێ چه‌ندێ، له‌ورا یا گرنگه مرۆڤ بزانیت چ دخووت داكو كارتێكرنێن وێ ل سه‌ر كارێ مرۆڤی نه‌مینن.
ژێدەر/ نۆش نیۆز
