دێ بيته ئه‌كته‌ر
ئەڤرۆ نيوز، شاکر ئەتروشی:
ھونەرمەند سەمیر زاخۆیی، د دیدارەکێ دا بۆ ئەڤرۆ گۆت: دووماھی کارێ من یێ ھونەری، بەری چەندەکێ وەک ئەکتەر من پشکداری د کورتە فلمەکێ کوردی دا کریە، رۆلێ من دوی فلمی دا ئەز نوشدارێ دەروونی مە، ل بەرە ل ئەڤ سالە ل فیستەڤالا دھۆک بھێتە نیشادان، ھەروەسا ل دووف داخوازا وان کەسێن گوھداریا سترانێن مە دکەن، ب تایبەت ئەوێن د سالێن حەفتێیان دا ھاتینە تۆمارکرن، بەری چەندەکێ مە (14) ستران ھەلبژارت بوون، مە ل بەر بوو دوبارە وان سترانان ب تەکنیک و مۆزیکەکا نوو تۆماربکەین لێ مخابن ھندەک کاودان ب سەر داھاتن و نوکە ئەو پرۆژە ھاتیە راگرتن، لێ ھەر دەمێ مە دەلیڤا خوە دیت دوبارە دێ تۆمارکەینە ڤە و وەک ئەلبۆم دێ ھێتە بەلاڤکرن، و سوپاس بۆ خودێ ھەتا نوکە ئەز ژ چو سترانێن خوە پەشیمان نەبوویمە، چونکو من ب باوەریا خوە ھەلبژارتینە و گۆتینە، ھەروەسا: بەری دو رۆژان من سترانەکا نوو دایە ھونەرمەند عەدنان سالح، ئەو ستران ژ ھەژی دەنگێ وی یە، و ئەز ب باوەرم دێ دەنگڤەدەت، پەیڤێن سترانێ یێن ھەلبەستڤان ئەحمەد عیسا فەتاح نە و ئاوازا وێ یا منە.
ماموستا سەمیر زاخۆیی گۆت: خۆشحالم کو بۆ دەمێ چەندین سالان مە ل ئێزگێ کوردی ل بەغدا کارکری، ھەلبەت ل ئێزگەھی خۆشی و نەخۆشی ھەبوون، خۆشی ئەو بوون دەمێ سترانبێژێن مە ژ دھۆک و زاخۆ و باژێرێن دی یێن کوردستانێ دھاتن و ئەم دشیاین خزمەتا وان بکەین و ستران و بەرھەمان بۆ تۆمار بکەین، نەخۆشی ژی ئەو بوون پا رژێم بوو دڤیا ئاستەنگان بۆ سترانبێژێن کورد چێکەت و ب ھووری دووڤچوونا پەیڤێن سترانێن وان دکر و ھەر دەم دا بێژن ئەڤ سترانە بەحسێ کوردان و پێشمەرگەی دکەت، لێ ھەر چاوا بیت مەیا خوە ب سەر وان دا بەردا و ئەم ل گەل کومەکا ھەڤالان شیاین چەندین سترانێن نەتەوەی و گەرم بۆ ھژمارەکا ھونەرمەندێن خوە وەک تەحسین تاھا و ئەردەوان زاخۆیی و ئەیاز یوسف و چەندین ھونەرمەندێن دی تۆماربکەین و ھەتا نوکە ژی ئەو ستران د نەمرن و بەردەوام د گوھێن مە دا دەنگڤە ددەن، تشتێ نەخۆش ژی ئەو بوو چەندین جاران رەشەکێن رژێمێ داخواز ژمن دکرن سترانان ب بەژن و بالێن وان بێژم لێ من خوە راگرت و نەگۆتن، بۆ نموونە ل سالا 1986 گۆتنە من و گولبھارێ دڤێت ھوون سترانەکێ پێکڤە بێژن، ل وی دەمی گولبھارێ گۆتە من دا کو خوە ژڤێ چەندێ خلاس کەین و سترانا ب رژێمێ نەبێژین دێ دەست ژ کارکێشانا خوە ژ سترانگۆتنێ راگەھینین، ئەز رازی بووم و مە گۆتە وان مە دەنگ نەمایە و ئێدی ئەم نەشیێن سترانان بێژین، و ژبەر وێ چەندێ من خوە خانەنشین