دێ بیتە مەزنترین گرێبەست د جیهانا تەپا پێ دا
ئەڤرۆ نیۆز،زنار تۆڤی:
لیۆنێل میسی ستێرا یانا بارسێلۆنا ل سەر تۆرا کۆمەڵایەتی یا ئینستیگرامێ چاڤدێریا یانا مانچستەر ستی دکەت و ئەو یانا ئنگلیزی ژی دڤێت وی یاریزانی ب دەستەوارەیەکێ مێژوویی ببەتە ناڤ رێزێن خوە.
ل دووڤ چەندین نووچەیێن راگەهاندنا بریتانیا، یانا مانچستەر ستی ئامادەیا خوە نیشاندایە کو 300 ملیۆن یۆرۆیا بۆ هەلوەشاندنا گرێبەستا میسی بدەتە بارسێلۆنا و مووچێ وی ژی د حەفتیەکێدا دێ بیتە 500 هزار یۆرۆ و ئەڤ یاریزانە دێ بیتە گرانترین یاریزانێ مێژوویا تەپا پێ.
بەلاڤبوونا ڤی نووچەی پشتی شکەستنا بارسێلۆنا بەرامبەر یانا ریال مەدرید ل جاما سوپەرا ئیسپانیا هاتیە و ل دووڤ چەند ژێدەران شێخ مەنسوور سەرۆکێ یانا مانچستەر ستی راگەهاندیە،کو ل ڤان نێزیکان دێ مەزنترین گرێبەستا مێژوویی راگەهینیت و دێ هەموو جیهانێ هەژینیت.
