دێ بەردەوام پشتەڤانیا حزبوللا یا لوبنانێ کەین
دەزگەهێن راگەهاندنا ئیرانێ دیار کرن، وەزیرێ دەرڤە یێ ئیرانێ ل لوبنانێ ل گەل حەسەن نەسروللا سکرتێرێ گشتی یێ حزبوللا یا لوبنانێ کۆمبوو و د کۆمبوونێ دا بەحسێ شەڕێ نها د ناڤبەرا حەماسێ و ئسرائیلێ دا هاتە کرن و ئیرانێ دیار کریە ئەو دێ پشتەڤانیێ ل وان هێزان کەن یێن ل دژی ئەمریکا و ئسرائیلێ د شەڕی دانە.
ل گۆر دەزگەهێن راگەهاندنا ئیرانێ، وەزیرێ دەرڤە یێ ئیرانێ دیار کریە ئەو رێ نادەن ئسرائیل ئالۆزیێن نوو ل لوبنانێ دروست بکەت و ئەو وەکو ئیران دێ ب هەموو شیانێن خوە پشتەڤانیێ ل حزبوللا یا لوبنانێ و هێزێن دی یێن بەرەیەکێ بەرخوەدانێ کەن.
