دێ ب هەموو شیانێن خوە بەرسڤا ئسرائیلێ دەین
وەزیرێ دەرڤە یێ ئیرانێ دیار کر، هەکە ئسرائیلێ بڤێت ئێرشی بەرنامێ ئەتۆمی یێ ئیرانێ بکەت، وەکو ئیران ئەو دێ ب هەموو شیانێن خوە بەرسڤا ئسرائیلێ دەن، ئیران ب چو رەنگەکێ دەست ژ پیتاندنا ئۆرانیۆمێ بەرنادەت و ئەو یەک ب چو رەنگەکێ ژی نابیتە بابەتێ دانوستاندنان، بەلکو وان دڤێت بەرنامێ ئەتۆمی ب رەنگەکێ بهێتە چارەسەرکرن کو پرسێن هەی نەمینن.
عەباس ئیراقچی ئەو یەک ژی دیار کر، بەری نها ژی رێبەرێ شۆرەشا ئیسلامی یا ئیرانێ دیار کریە وان نەڤێت چەکێ ئەتۆمی دروست بکەن، لێ بابەتێ موشەکێن ئیرانێ پرسەک جودایە و ئیران ژ بۆ پاراستنا خوە دێ موشەکێن نوو و پێشکەفتی ژی دروست کەت، ئارمانجا ئیرانێ ئەوە مەترسیێن هەی نەهێلیت و ب تایبەتی ژی هەکە ئسرائیل ئاریشەیان بۆ ئیرانێ دروست بکەت دێ ئیران ب توندی بەرسڤا ئسرائیلێ دەت.
