دێ سترانەکا تەحسین تاھای کلیپ کەن
ئەڤرۆ، سالار دۆسکی:
سەرۆکێ تیپا دھۆک دیارکر کو سروودا (پێشمەرگەینە، سووندا مەزن) کو ل سالا ١٩٩١ د گەل ھونەرمەند (تەحسین تاھای) ل سەر دەپێ شانۆیێ ژەنی یە، پەیڤ و ئاوازێن (تەحسین تاھا)ی بوو، دێ ب شێوەکێ نوو کلیپ کەنەڤە.
جەمال محەمەد ئەدیب گۆت: “د گەل بنەمالا خودێ ژێ رازی ل سەر تۆمارکرنێ ئاخڤتینە و خوەشحالبووینە بڤێ چەندێ، تشتێ نوو تێدا ھاتیەکرن مۆزیک و دابەشکرنا وێ من دانایە و چەندین ئامیرێن زیندی مە پشکدارکرینە ب دەنگێ کچ و کوڕێن تیپێ وەکو کورس ھاتیە گۆتن”.
جەمال گۆتژی: “وەکو ھەستەکێ مەزن بۆ پێشمەرگێن گیانێَ خوە دکەنە قوربان بۆ ئاخا کوردستانێ وەکو ھەستەکێ نەتەوەی مە ئەڤ سروودە چێکریە”.
سەرۆکێ تیپا دھۆکێ ئاماژە دا وێ چەندێ کو کەنالێ وار دێ ب وێنەکرنا کلیپێ رابیت و ل نێزیک دێ ھێتە بەلاڤەکرن.
