دێ سترانەکێ بۆ ریفراندۆمێ بێژیت
ئەڤرۆ نیۆز،زنار تۆڤی:
ھێلی لۆڤ خانما سترانبێژا کورد،دێ سترانەکێ بۆ پشتەڤانیکرنێ ل ریفراندۆما سەربەخۆیا کوردستانێ بەلاڤکەت.
ل شەڤا بوری 6/8/2017 ھێلی لۆڤێ چەند وێنەیێن خوە ل گەل فەلاح مستەفای بەرپرسێ فەرمانگەها پەیوەندیێن دەرڤە یێن حوکمەتا ھەرێما کوردستانێ ل ھژمارا تایبەتیا خوە ل تۆرا کۆمەلایەتی یا تۆیتەری دا بەلاڤکرینە و ئاماژە ب هندێ ژی دایە،کو دێ سترانەکێ بۆ ریفراندۆما سەربەخۆیا کوردستانێ بەلاڤکەت.
هەروەسا هێلی لۆڤێ،ل سەر وێنان دا نڤێسیە:بۆ ئامۆژگاریێن تە یێن مەزن،سوپاسیا تە دکەم فەلاح مستەفا،بۆ من شانازییە کو من تۆ دیتی.
ھێلی لۆڤ وەک ئێک ژ 100 کاریگەرترین کەسایەتیێن جیھانێ بۆ سالا 2015 هاتیە ھەلبژارتن،ھەروەسا وەک ھونەرمەندەکا کورد پشکداری د چەندین فیستیڤالێن نێڤدەولەتی ژی دا کریە.
