دێ فلمه‌كى چێكه‌ت
ئه‌ڤرۆ نيوز:
سترانبێژا بەرنیاسا عەرەب ھەیفا وەھبی راگەھاند، ل نێزیک ئەو دێ پشکداریێ دفلمەکێ سینەمایی دا کەت، و رۆلێ وێ دوی فلمی دا دێ یێ سەرەکی بیت.
ناڤبریێ بۆ کۆفارا (لھا) گۆت: بەری سێ ھەیڤان دەرھێنەرەکی کو من نەڤێت نوکە ناڤێ وی و یێ فلمی ئاشکەرا بکەم، ژ من خواست وەکو ئەکتەر پشکداریێ دفلمەکێ وی دا بکەم، پشتی من چیرۆکا فلمی خواندی ئەز رازیبووم، و پشتی چەند رۆژێن دێ دێ گرێبەست دناڤبەرا من و وێ کومپانیا ب کارێ بەرھەمئینانا فلمی رادبیت دێ ھێتە ئیمزاکرن، دووڤدا دێ دەست ب وێنەکرنێ ھێتە کرن، و ل دووڤ گۆتنا دەرھێنەری نێزیکی دو سالان ئەو دێ ب وی فلمی ڤە مینن، و گۆت: رۆلێ من دوی فلمی دا ئەز کچەکا گوندی مە، و جارەکێ ب سەرەدان ل گەل دایکا خوە دھێمە باژێری و ل جھەکێ فرۆتنا پێدڤیێن ناڤمالی گەنجەک داخوازا ھەڤالینیێ ژمن دکەت و ئەز رازی دبم و پشتی شەش ھەیڤان ژ حەزژێکرنا مە ئەم شەھیانا خوە دکەین، لێ ھەر ل گوندێ مە، ژبەرکو مالا وی گەنجی رازی نابن من بۆ خوە بینین، و ل دووماھیێ ئەو گەنج دھێتە گوندی و خانیەکێ بۆ خوە ب کرێ دگریت و شەھیانا مە ل وێرێ دھێتە کرن، و پشتی ماوەکی ئەم پێکڤە بریارێ ددەین کو وەلاتێ خوە بجە بھێلین و ئێدی قەستا وەلاتەکێ بیانی دکەین، و ژیانەکا نۆرمال ل وێرێ دبەین.