دێ قاره‌مانیه‌كا مینی باسكێت بۆلێ هێته رێكخستن
زاخۆ، عەلی حاجی:
د داخویانیەکێ دا جێگرێ سەروکێ ئێکەتیا باسکتبولا کوردستانێ بۆ رۆژناما ئەڤرۆ دیار کر بریارە د ڤێ حەفتیێ دا قارەمانیەکا بچووک بۆ ئەکادیمیێن باسکێت بۆلێ بهێتە رێكخستن و دێ بۆ دەما دو رۆژان یا بەردەوام بیت.
زێدەتر هشیار دوبانکی گۆت: قارەمانیا مینی باسکێت بۆلێ بۆ ئێکەم جارە ل سەر ئاستێ ئەکادیمیێن سەر ب یانەیێن کوردستانێ ڤە ژ لایێ ئێکەتیا باسکێت بۆلا کوردستانێ بهێتە کرن و دهێته چاڤه‌ڕێكرن هه‌ڤڕکیێن وێ ب پشكداریا هەشت ئەکادیمی ل کوردستانێ بهێته كرن و بریارە ئەو قارەمانی ل هەولێرا پایتەخت بۆ دەما دو رۆژان بەردەوام بیت، ل دووڤ رێنمایێن پشكداریكرنێ ب تنێ دێ بۆ ئەکادیمیێن باسکێت بۆلێ بیت تایبه‌ت یاریزانێن ژ دایک بوویێن ٢٠١٢ و ٢٠١٣ و ٢٠١٤ بیت، ئه‌ڤ چه‌نده ژی وه‌كو پێنگاڤه‌ك بۆ پشتەڤانیا ئه‌وان ئه‌كادیمیێن كوردستانێ دا کو ئەو یاریزانە ژی ژ کەشێ بەردەوام یێ راهێنانان دا دووركه‌ڤیت و شارەزاییەکا باشتر بۆ وان پەیدا ببیت .
ناڤبری گۆت ژی: هه‌ڤڕكیێن وێ ژلایێ ئێکەتیا باسکێت بۆلا کوردستانێ ڤە هێتە ڤەکرن و ئەم دێ بەردەوامیێ دەینە ڤەکرنا قارەمانیێن باسکتبولێ دا کو ئەم بشێن ئاستێ ڤێ یاریێ باشتر لێ بکەین .
