دێ كار بۆ ئاڤاكرنا شنگالێ و قەرەبوویا خەلكێ دەڤەرێ كەم
لەزگین جۆقی
بەربژارێ ژمارە 25 ل سەر لیستا 275 یا پارتی دیموكراتی كوردستان بازنێ نەینەوا راگەهاند، ئێك ژ خالێن پرۆگرامێ من دێ كار ل سەر ئاڤاكرنا شنگالێ و ئینانا خزمەتگوزاریا و دوسەیا قەربووكرنا خەلكێ شنگالێ كەین.
كەمال داود ئیبراهیم، بەربژارێ ژمارە 25 ل سەر لیستا 275 یا پارتی دیموكراتی كوردستان بازنێ نەینەوا راگەهاند، ل پەرلەمانێ ئیراقێ دێ بسنە نوونەرێن هەموو گەلێ ئیراقێ و دێ بەردەوام گفتوگۆیا ل سەر ئاریشەیێن دناڤبەرا هەردوو حكومەتا كەین و دێ ب شێوەكێ دەستووری و یاسایی بەرەڤ چارسەكرنا ئاریشەیان چین و گۆت: ئەز كەسەك بووم بەری نهۆ من ٤٠ سالان خزمەت كرییە ل سلكێ ئەمنی ل ناڤ شنگالێ و هەموو خالێن پەرلەمانتار ڤەگرێدایی ل دەڤ من هەنە، وەك زمان پیشەیی چ ژلایێ دەستور و یاسایێ ڤەبیت، دیسان كەسەتیەكا باش یا جڤاكی من یا هەیی.
زێدەتر گۆت: ئەم بەردەوام دێ دگەل ئێكرێزیا گەلێ كورد بن و هەموو پارتێن سیاسیێن كوردستانێ ئێكرێزیا پارتێن سیاسی ل بەغدایێ دێ بیتە ئەگەرێ ب بدەستڤائینانا هەموو مافێن گەلێ كوردستان و دیسان دێ بیتە هێزەك ژ بۆ چارسەكرنا هەموو ئاریشێن دناڤبەرا هەردوو حكومەتاندا.
بەربژارێ ژمارە 25 ل سەر لیستا 275 یا پارتی دیموكراتی كوردستان بازنێ نەینەوا راگەهاند، ئەم ژی وەك بەربژارێن پارتی ئەگەر هات و ئەم بووینە نوونەرێ خەلكی، دێ كار ل سەر دورشمێن پارتا خۆ كەین، ژ لایی ئارامیێ و ئاڤەدانیێ ل دەڤەرێن خۆ و دێ بەردەوام پشتەڤانیە گەنجێن خۆ كەین و كار ل سەر پەیداكرنا دەلیڤەیێن كار كەین بۆ گەنج ئافرەت بەشەكێ گرنگێ جڤاكی بەردەوام كار ل سەر بدەستڤائینانا مافێن ئافرەتا كەین، دەڤەرا مە دەڤەرەكا دەولەمەندە ب كارێ جۆتیاریێ و دێ پتر پشتەڤانیا ڤێ چینا گرنگ كەین.
