دێ كهرهمكه مامۆ حوكمهت
ل دهسپێكى شهرێ تیرۆرستێن داعشى ل گهل هێزێن پێشمهرگهى ههتا نوكه پێشمهرگه چو كێماسى د ئهركێ خوه دا نهكریه و گهلهك ب وێرهكى ل بهرسینگێ دڕندهترین تیرۆرست د دیرۆكا جیهانێ دا راوهستیا و ههموو پێلانێن وان ئهوێن كو ژ دهرڤه بۆ وانا دهاتنه ئامادهكرن ژناڤبرن و ب ئێكجارى شكهستن ب وانا ئینا و ناڤێ پیشمهرگه ژى بوویه سمبۆلا ئازادى قارهمانى باشترین شهركهر د جیهانێ دا و ل داهاتى دا دهستكهفتێن پێشمهرگه ل سهر دهستێ سهرۆك بارزانى دێ هێته بجهئینان كو ژسهرخۆبوونێ خوه دبینیت, ڤێرێ دا دخوازین ئێكسهر بچینه وى بابهتى كو ئهم بهحس دكهین، ئهو ژى دانا پارچه زهڤى یه ب پێشمهرگه و خێزانێن سهربهرزێن شههیدان, مه دیت ئهو كهسێن برینداربوون یان بهرزهبوون یان شههیدبوون ههر پێشمهرگه بوون, ئهو دایكێ كو رۆندك دباراندن ههر دایكێن پێشمهرگهى بوون ئهو زارۆیێ كو مان بێ باب ههر زارۆیێ پێشمهرگهبوون, ل سالا 2014 ههتا دووماهیا 2017 ههر بهرپرسێن حكومى حیزبى كهسێن بازرگان هتد…بوون، كو پهسنا رۆلێ پێشمهرگهى و قارهمانیا وان دكر و بهردهوام ناڤێ پێشمهرگهى ل سهر ئهزمانێ وان بوون دگۆتن ئهم دهیندارێ پێشمهرگهى و خێزانێن شههیداینه, ڤیجا دێ كهرهمكهن پێشمهرگهى داعش ژناڤبر و چو مهترسى ل سهر مه نهمانه و ئامادهنه ژى ژبۆ ههر پیلانهكا دى كو بۆ سهر گهلێ مه بهێت دێ كهرهمكهن دهینێ خوه ل سهر خوه راكهن و ژبۆ پێشمهرگه و خێزانێن شههیدان بزڤرینن, ل دهمێ كو شهر گهرم دبوو و پێشمهرگهى بهرۆكێن پێشیا شهڕى تلیلیا سهركهفتنێ لێددان ههر ههوهبوون كو دگۆتن دبیت پارچه زهڤى ژ بۆ پێشمهرگهى و خێزانێن شههیدان بهێتهدان، دبیت ژین و ژیارا وان باشتر لێ بهێت چونكو ههمى گهلێ كورد دهیندارێ وانه, ئهو ئێك ژى راستن كو ئهو خهونا هاتیه رێتن نه ژبۆ پاره و پارچه زهڤیان بوو بهلێ ل نها دا پێشمهرگه و خێزانێن شههیدان گهلهك پێدڤى ب وێ چهندێ نه و دبیت لایهنێن حكومى ب رژدى كار ل سهر بكهن كو ههر چو نهبیت ههر خێزانهكا وان پارچه زهڤیهك بۆ بهێته دابینكرن ئهڤه ژى مافهكێ گهلهك ژ وى قوربانى و خونا هاتیه رێتن كێمتره و چو بهایێ خوه نینه, ههكه ههجهت قهیرانه ئهز بێژم دابینكرنا پارچه زهڤى چو پهیوهندى پێڤه نینه و ئێدى بهسه گیرۆكرن، چونكو ئهم گهلهك شهرمزارین بهرامبهر زارۆیێن ژنوو ژدایكبووین یێن شههیدان كو نه بابێ ئهو دیتییه و نه ئهوى ژى باب دیتیه ئهم نزانین بۆچى زهڤى ب وان ناهێته دان یان دهێته گیرۆكرن كى رێگره؟ كى ڤێ چهنده قهبوولناكهت؟ كێ دهستێ ههوه گرتیه ئهز بێژم چو بهرسڤ نینه، كا دا ئهم تهماشایێ حنێڕا حوكمهتێ بكهین بزانین دێ چ كهت بۆ خێزانێن شههید و پێشمهرگهیان ههگه نا دێ بهرامبهر خوینا شههیدان بهرپرسیار بیت.
