دێ ل سەر خەبات و بەرخوەدانێ بەردەوام بین
بامەرنێ ، سالار محەمەد دۆسكی:
1-2
پێشمەرگەیێ هەر دو شۆرەشێن ئیلۆن و گولانێ،(ئیسماعیل ئەحمەد عەبدولرحیم) ژ دایك بوویێ سالا 1954ێ یە ل گوندێ زێوا شێخ پیراموس، د دیدارەكا رۆژنامەڤانی دا ئاشكراكر، كو هەر دو برایێن وی پێشتر ل شۆرەشا ئیلۆنا مەزن پێشمەرگە بوون، و ئەڤە بۆ دەسپێك و هاندانەكا مەزن كو ئەو ژی چەكێ شۆرەشێ هەلگریت و ببیتە پێشمەرگە.
پێشمەرگەیێ هەر دو شۆرەشێن ئیلۆن و گولانێ، ئیسماعیل ئەحمەد عەبدولرحیم د دیدارەكێ دا ل گەل رۆژناما ئەڤرۆ ئاشكراكر، كو برایێ وی شەهید (محەمەد زێوەی) ل شۆرەشا ئیلۆنێ سەر قول بوو، ل دەسپێكا شۆرەشا ئیلۆنێ دیسا برایێ من شەهید(تاهر زێوەی) چەكێ شەرەفێ هەلگرت بوو، و گەهشت بوو شۆرەشا ئیلۆنا مەزن و دیسا برایێ من (نایف) ژی بەری من پێشمەرگە بوو، ئەڤێ چەندێ كارتێكرن ل سەر من هەبوو كو ئەژی چەكێ شەرەفێ هەلگرم و ببیتە پێشمەرگە، ئێكەم جارا من چەك هەلگرتی ل سالا 1967 بوومە پێشمەرگە و رێككەفتی 15/6/1968 هێزا هەلگور هاتیە دروستكرن و ئەز ل گەل برایێ خوە(نایف زێوەی)، كو ئەم دبووینە (9) كەس و چووینو ل هێزا هەلگورد هاتینە وەرگرتن، و بووینە پێشمەرگە و دەسپێكێ ئەم چووینە (قومریكێ)، دووڤدا هاتینە ڤەگوهاستن بۆ (قەسر و ماكوس) كو دگەڤیتە دەڤەرا (گلالە) و نێزیكی حەفت رۆژان ب پیان هەتا گەهشتینە وێ دەڤەرێ، هێزا هەلگور ژ سێ بەتیلونا هاتبوو پێكئینان، و ب سەر پەرشتیا خودێ ژێ رازی (ئدریس بارزانی) بوو، بەتلویونەك (سلێمان حاجی بدری و رەشید سندی) و بتلیونەك (عەریف سلێمان دۆسكی) و بەتلیونەك (عەبدولرحیم پێندرو) بوو، و خودێ ژ هەمی شەهیدان رازی ب بیت و موقدم (عەزیز ئاكرەیی) بەرپررسێ هێزا مە بوو، و سەر ب شەهید (ئدریس بارزانی) ڤە بوو و ئەو بەرپرسێ مەیێ راهێنانێن لەشكری بوو مە ل (قەسر و ماكورس) راهێنانێن لەشكری ئەنجامداینە و سالەك و سێ هەیڤان ئەم ماینە وێ دەڤەرێ و زێدەتر من راهێنان ل سەر (بازوك و نارنجوك و دوشكا 12 ونیڤ) دكرن، و دووڤدا چووینە (قەلادزێ) و دەڤەرا (دێلو مێركان) وی دەمی گەلەكێ بچووك بووم و ژیێ من بتنێ 15 سال و هەشت هەیڤ بوون و زگورد بووم وی دەمی (ئنگلیزیێن كورت و ئنگلیزیێن درێژ و بوندی)دانە و چەكەك هەبوو دگۆتنێ هەلگورد و ئەو ل سەر پێشمەرگێن (رەشید سندی و عەریف سلێمان دۆسكی) بەلاڤكرن و ئەم چووینە (پشتە دەرێ) وی دەمی (حسو ژاژیكی) ئامر هێز بوو و دووڤ دا ب فەرمانا بابێ مەزن بارزانی (لیلاف دەریا) وی دەمی خەلكێ وێ دەڤەرێ دژی مەبوو و قەبوول نەدكر چ پێشمەرگە بچنە وێ دەڤەرێ و چووینە (هەلشو) و مە دەڤەر پاقژكر و پشتی ئەم ماوێ شەش هەیڤان ماینە ل دەڤەرێ دووڤ دا فەرمان هاتەدان بچینە (بنگەردە و مەرگە) ئەم وچوینە (شەهرستین) بن بەنداڤا دوكان و ل گوندێ (توربە) ب بەلەما دەربازبووینە چووینە دا (براهیمێ چەرمەگای) بگرین و ل گەل نڤێژا سپێدێ دەنگو باس گەهشتینێ و ئەو رەڤی یە ژ گوندی وی دەمی ئەو سەرۆك جاش بوو، و حەفت شەف و حەفت رۆژا ئەم پیا چووین هەتا گەهشتینە پارێزگەها كەركووك و گوندەك هەبوو دگۆتنێ (مملح)ە ئاڤا كربیتێ لێ بوو و مە ئەو ئاڤ ڤەخوار ئەم (75) پێشمەرگە نەخوش كەفتین و ئەو جارا ئێكێ بوو كەركووكێ بینم و ئەم ل دەشتەكێ بووین وەك دەشتا پشتا پارێزگەها نەینەوا بوو و دووڤ دا هێ.ەكا چەتا ل گەل هێزەكا حوكمەتێ هاتنمەمە و بۆ شەر و فرۆكە هاتنە هنداف مە و رەمی كر كاك (عەباس) وێ دەڤەرێ شەهید بوو و ئەز و برایێ من (نایف زێوەی) وێرێ بریندار بووین و شەهید (عەباس) مە ئینا گوندێ (كچان) گوندەكە دكەڤیتە بن چیایێ قەرەداغ و هێشتا ل وی گوندی دەنگو باس گەهشتنە مە كو هێزەكا مەزن یا حوكمەتێ بەرەف گوندێ ناڤبری ڤە هات و ئەم هاتینە چیایێ قەرەداغ وی دەمی (ئازاد قەرەداغی) بەرپرسێ هێزا قەرەداغ بوو وی دەمی چلێ هاڤین بوو و بتنێ ئاف هەبوو و مە خوارن نەبوو و ئەم هاتینە دەڤەرێ هندەك تەنەكێن رونی لدەف وان هەبوو و مە گۆتە كاك (ئازاد) هندەك خوارنێ بدەنە مە ئەم مرین ژ برسان دا گۆت باوەربكە مە خوارن نینەن و نەچار بووین هندەك ژ وی روونی ل گەل هندەك ئاری و مە خویێ پێوەركر و مە خوار و بتنێ دا نە مرین، دەنگو باس گەهشتنە مە كو دەردورێن مە هاتینە دورپێچكرن و بتنێ رێكەك مابوو، دەمێ كاك (عباس) بریندار و هێشتا شەهید نە ب بوون (نائیف) برایێ من هەلگرت بوو و بەر سینگێ وی بوو و لەشێ كاك (عەباس) خوینەكا ئێجار زوور ژێ دهات و برایێ من (نائیف) جلكێن وی هەمی ب بوونە خوین و لەوما نەچار بووم بچمە دەف كاك (ئازاد) و من داخازا دەستەكێ جلكان بۆ برایێ خوە كر چونكە جلكێن وی ئێكجار ب بوونە خوین و مە شەهیدێ خوە ل گوندێ (كچان) ڤەشارت بوو، لدیف داخازا من كاك (ئازاد) پێلاڤەك ل گەل دەستەكێ جلكان دامن و برایێ من كرنە بەر خوە، ل دانێ مەغرەب گۆتن دێ نوكە چینە ڤێ جادێ كو ژ (دەربەندیخان) بەرەف (سلێمانیێ) دچیت و هەر كەسەكێ پشت جادێ كەفت ئەو قورتال بوو و هەر كەسەكێ ما ل بن جادێ ئەو كەفتە دەستێ حوكمەتا ئیراقێ و رێكا خوە دا ئەم گەلەك برسی و تهێنی بووین و گەلەك جهان مە دەستێ خوە ل ئاڤا پیس دا مە ڤەدخوار و مە چ رێك نەبووین و هەتا گەهشتینە (ماوت و چارتە) ئەم چووینە ناف سپیندارا و مە (حلی زەرك) خوارن و هندەكا دەنگ و باسێن مە گەهاندە حوكمەتێ و فرۆكە هات و رەمیەكا بەرفرەه ل مە كر و (10) شەهید و بریندار دان و (3) شەهید بوون و مە ڤەشارتن و ێ شەڤێ نوشدارەك هات و بریندارێن مە دەرمانكرن و مە گۆت دێ بریندارێن خوە هێلینە ل ڤی گوندی هەتا رەوشا وان باشتر لێ دهێت و ئەو گوند لبن (گلالە) بوو، دووڤ دا هاتینە ئاگەهداركرن كو (سەرگەلو هەلدن) ژ دەستێن پارتی هاتیە دەر و هەتا ژنكێن كوردان ژی برینە وبێ رێزی ب ژنكا هاتیەكرن و ب فەرمانا بابێ مەزن ئەم بەرەف وێ دەڤەرێ چووین بۆ ئەنجامدانا هێرشێ، وی پشتی نێزیكی دەڤەرێ بووین، (محەمەد عەبدوللا بامەرنی) گۆت كاك (سمائیل) حسدكەم تو سەر كێشیا ڤێ هێرشێ بكەی و بەرپرسێ ڤێ هێزێ بی یا هێرشی دەڤەرێ دكەت و راستی كەسانێن ژمن مەزنتر هەبوون دناڤا مەدا لێ وی زێدەتر حەز ل من دكر وی دەمی كەسەك ل گەل مە هەبوو دگۆتنێ (مستو خانكی) یێ شێلادزی بوو و مرۆڤێن وەك وی زیرەك كێم بوون و من گۆتێ كاك (مستەفا) دێ ڤی كوپكی گری و دەمێ تە ئاگر كر ئەم دێ لبنی سەركەڤین و هێرشێ كەین و گۆت بلا و ئەم چووینە (سەرگەلو) ل گەل بانگێ ئێڤاری مە هێرش كر و مە لێدا و مە گەلەك ژ دەستێ حوكمەتێ ئینایە دەر وی دەمی پێشمەرگە هاتنە بەراهی یا مە و پێشوازی ل مە كر و (سامی شنگالی) ل گەل بوو.
