دێ هه‌ولدم
سه‌گڤان ئه‌حمه‌د/ زاخۆ
دێ من هه‌بن
هه‌ول و بزاڤ
هه‌ردوو ڕویبارێن
چاڤێن خوه
ل سه‌ر خاترا ته
بكم به‌نداڤ
ل هاڤینا گه‌رم و دژوار
ڕه‌ز و باغێ
سینگ و به‌را
دا نه‌مینن
هشك و بێ ئاڤ
دێ د گه‌ل ته ئێم
پێنگاڤ پێنگاڤ
ده‌ریایێن كویر
ژبۆ ته ئه‌ز بكم مه‌یاڤ
دێ هه‌ولدم
خوه بكم ڕه‌ژی
ل زڤستانا سه‌قه‌م و سار
من ب سۆژی
ژبۆنا ته دێ بم مه‌شخه‌ل
دێ ل ته ڕۆن كم شه‌ڤێن تاری
دێ بۆ ته بم ئاگر و په‌ل
دل خوه سۆژم ب دژواری
دێ بۆ ته بم
ڕۆژ و هه‌تاڤ
دێ بم خویسار
دێ بم خوناڤ
دێ بۆ ته بم ڕێنیشانده‌ر
بۆ ته بم چاڤ
د دلێ خوه دا
بۆ ته دێ ئاڤاكم كه‌لهه‌ك بلند
ل هه‌ر چار ڕه‌خا
باغچه‌یێن ڕند.
