دێ پترى 1000 جۆرێن چالاكیان ئه‌نجام ده‌ن
ئه‌ڤرۆ نیۆز،زنار تۆڤى:
رێڤه‌به‌رێ لاوان ل پارێزگه‌ها دهوكێ نێچیرڤان سادق بۆ ئه‌ڤرۆ نیۆز دیاركر:كو وان پرۆژه‌ك هه‌یه ب هه‌ڤكاریا رێكخراوا(یۆنسێف) ل 24/7/2017 دێ درێورسمه‌كێ دا ئه‌ڤ پرۆژه ل باژێرێ دهوكێ هێته ده‌ست پێكرن و نێزیكى 75 هزار سنێله و لاو دێ ب شێوه‌یه‌كێ راسته‌وخۆ و نه راسته‌وخۆ دێ مفاى ژ ڤى پرۆژى و بینن و دێ پترى 1000 جۆرێن چالاكیان بۆ ماوێ ساله‌كێ تێدا هێنه ئه‌نجامدان و هه‌روه‌سا هه‌موو ئۆل و نه‌ته‌وه و هه‌موو پێكهاته‌یێن كوردستانێ ژ خۆجه و ئاواره و په‌نابه‌ران دێ پشكداریێ تێدا كه‌ن.
رێڤەبەرێ لاوان گۆت ژى:ئه‌ڤ چالاكیه دێ ل هه‌ر هه‌شت ناڤه‌ندێن وه‌رزش و لاوان ل سێمێل و دۆمیز و دهوك و ئاكرێ شێخان و قه‌سرۆك و ئامێدیێ و دێره‌لۆكێ هێنه ئه‌نجامدان،هه‌روه‌سا دێ چالاكیێن فێربوونا زمانان و چالاكیێن پیشه‌یى بۆ خودان پێدڤیێن تایبه‌ت و چالاكیێن تایبه‌ت ب ئافره‌تان ڤه،دیسا چالاكیێن جڤاكى و وه‌رزشى و هونه‌رى و هشیاریا جڤاكى و پاقژكرنا ژینگه‌هێ دێ تێدا هێنه ئه‌نجامدان.
نێچیرڤانى دیاركر ژى:دێ سێ روودانێن گرنگ د ناڤا ڤان چالاكیان دا هێنه ساخكرن د ماوێ ڤێ سالێ دا،كو ئه‌و ژى ساخكرنا رۆژا جیهانى یا لاوانه ل 12/8،هه‌روه‌سا ساخكرنا رۆژا جیهانى یا خۆبه‌خشا ل 5/12،ساخكرنا رۆژا جیهانى یا وه‌رزشى بۆ ئاشتى و گه‌شه‌پێدانێ ل 6/4،هه‌روه‌سا ئه‌ڤ پرۆژه درێژه پێدانا پرۆژێ سالا بوریه و لێ پشته‌ڤانیا دارایى یا ئه‌ڤ ساله حوكمه‌تا ئه‌لمانیا و حوكمه‌تا كه‌نه‌دا لێ كریه.
