دێ پەنابەرێن عيراقێ زڤرینیت
ئەڤرۆ نیوز:
وەلاتێ فنلەندا بڕیار دا ئەو پەنابەرێن عیراقی یێن داخوازیێن وەرگرتنا مافێ پەنابەریێ رەدکری ب زڤرینیتە عیراقێ ڤە.
رۆژناما (ئیلتسانومات) یا فنلەندی بەلاڤکریە کو تیمۆ سوینی، وەزیرێ ژ دەرڤە یێ فنلەندا ل حەفتیا بھێت دێ وەزیرێ ژ دەرڤە یێ عیراقێ بینیت و دێ رێکەفتنەکا دوقۆلی دگەل ئیمزاکەت بۆ ب ساناھیکرنا ڤەگەراندنا وان پەنابەرێن عیراقی یێن داخوازیێن وەرگرتنا مافێ پەنابەریێ رەدکری
تیمۆ سوینی، وەزیرێ ژ دەرڤە یێ فنلەندا بۆ رۆژناما ناڤبری دیار کر کو ھەتا نوکە وەلاتێ فنلەندا نەە ھزار داخوازیێن وەلاتیێن عیراقی بۆ پێدانا مافێ پەنابەریێ وەرگرتینە گۆت:” دێ دگەل ھەڤکیفێ خوە یێ وەلاتێ سۆیدێ کۆم بم ب ئارمانجا دیتنا میکانزمەکا ھەڤپشک، چونکی بەری نوکە ژی ڤەگەڕاندنا پەنابەرێن عیراقی ب رێیا وەلاتێ سۆید بوو”.
وەزیرێ ناڤھاتی ئاماژە دا وێ چەندێ ژی کر کو ژبەر وێ رەفتارا ھەتا نوکە ھەمبەری پەنابەران کری چەندین جاران گەفێن کوشتنێ ژ ئالیێ تۆندرەوێن فنلەندی ڤە ل وی و ھەڤالێن وی یێن سیاسەتمەدار ھاتینەکرن، بەلێ دیار نەکریە کو زڤراندن بۆ ھەمی عیراقیانە یان تنێ بۆ وانە یێن دەڤەرێن وان د ئارام.
