دێ چاوا زانی کەسەکی ئیدمان یا ھەی؟

ئه‌ڤرۆ:

ئیدمان ب کەرستێن بێھوشکەر گەلەک ئەگەر ھەنە و پێدڤیە بەری دەست ب چارەسەریێ بھێتە کرن ئەو ئەگەر بھێنە زانین و دیسا نیشان ژی بھێنە زانین داکو یا پێدڤی بۆ وی کەسی بھێتە کرن، دەربارەی ئەگەرێن مرۆڤی پال ددەن بۆ ب کارئینانا دەرمانێن بێھوشکەر ئەوێن ل خارێ نە:
• نەزانینا مەترسیێن ب کارئینانا وان.
• بێھێزیا پەیوەندیێن جڤاکی و پەروەردەکرنا جڤاکی یا نەساخلەم.
• ژێکڤەقەتیانا خێزانێ.
• ھەژاری و نەزانینا خواندنێ و فێرکرنێ.
• دوورکەتنا دایبابان ژ زارۆیان و نەبوونا چاڤدێری و زێرەڤانیێ ل سەر وان.
• بەتالی و ھەبوونا ڤالاتیێ دژیانێ دا.
بەلێ نیشانێن کەسێ ئیدمان ھەی رەنگە ھەموو پێکڤە ل دەڤ کەسەکی دیارنەبن، یێن گرنگ ئەڤەنە:
• گوھۆرینا ئێکسەر د شێوازێ ژیانێ دا وەکو دوورکەتنێ ژ کاری و ڤەبرین ژ خواندنێ.
• ھاتنەخواران ئاستێ خواندنێ و کێمبوونا بەرھەمێ کاری.
• دەرکەتن ژ مال بۆ دەمێن درێژ و ب شەڤ درەنگ قەستا مال دکەت.
• تێکچوونا گێولی و نەگرنگیدان ب کەسایەتیا خوە.
• تورەبوون ژ رەفتارێن بچووک.
• ھەموو رەفتارێن وی ب شێوەیەکێ نھێنی دھێنە کرن.
• حەز ژ بەرپرسیاتیێ ناکەت و داخوازا گەلەک پارەیان دکەت.
• حەزدکەت پتریا دەمی دھزران دابیت و یێ ب تنێ بیت.
• کێمبوونا سەگێ وی ژ ئەنجامێ نەمانا حەزا خوارنێ.

کۆمێنتا تە