دێ چاوا ژن و مێر ب بەختەوەری ژین؟
ب: بابێ ئاڤایێ
دەمێ دو کەس خێزانەکێ پێک دئینن خوازیارن ژیانا وان یا بەختەر بیت و بێ کێشە و ناکوکی بیت، لێ تشتەکێ نورمالە چ ژن و مێر بێ ئاریشە نینن ئەڤجا ئاریشێن وان سەرا چیە و خەلەتی ژ کێیە کەس دانپێدانێ ب خەلەتیا خوە ناکەت ھەردو رەگەز خوە ددانن راست و یێ بەرامبەر تاوانبار دکەت، بو ماوێ چەند روژا یان حەفتیا ل گەل ئێکدو نا ئاخڤن، چونکی کەس ژ وان یێ بەرھەڤ نینە تنازولێ بو یێ دی بکەت، ھندەک ئەگەر ھەنە بو پەیدابونا ڤان ئاریشا ھەکە تو ڤان رێیا ب کار بینی د ماوەکێ کورت دا دێ خوشترین ژیان ل گەل ھەفژینێ یان ھەڤژینا خوە بورینی.
ژن دڤێت چ بکەت:
ل دەستپێکێ دێ بەحسێ وان خالا کەین یێن کو پێدڤیە ئافرەت بجە بینیت بڤێ چەندێ بێگومان زەلام دێ ھێتە گۆھورین و دێ پتر حەز ژ ئێکدو کەن دێ ژیانا وان ھێتە گوھورین ئەو ژی ئەڤەنە..
١- دەمێ ھێشتا تو ل مالا بابێ خوە ھەکە ژڤانێ دیتنا ھەوە ھەردویا با دا تو د بەر خوەرا چی و خوە جوان کەی ژبەر وی، بێگومان دەمێ تو دیتبای کەیفا وی دھات دا بێژیت تە چەندا یا خوە جوان کری، نوکە ژی ھەموو گاڤا خوە بو وی جوان بکە دا چاڤێ وی ل کەسێ دی نەبیت.
٢- تە ھزرا خوە کریە دەمێ دبیتە ئاھنگەک تو دێ چیە جوانکاریێ و دێ خوە جوان کەی و جلکێت ب رێک و پێک کەیە بەر خوە ژبەر خەلکی، باشە تو بوچی بو زەلامێ خوە وەناکەی باش بزانە ھەکە تو ھوسا کارێ خوە بو زەلامێ خوە بکەی دێ گەلەک کەیفا وی ھێت و دێ گەلەک حەزژ تە کەت.
٣- دەمێ چونا نڤینا پێکولێ بکە یا رومانسی بە، د حەفتیەکێ دا ھەر چ نەبیت پێنچ جارا ل گەل زەلامێ خوە کریارا سکسی ئەنجام بدەم چونکی کریارا سکسی پەیوەندیێن ھەڤژینان خوش دکەت و بەرێ زەلامێ تە دێ ژ حەرامی دوور کەت.
٤- ژن ژ سپێدێ ھەتا دەمێ نڤستێ یا ب کارێت مالێ ڤە ھەر ژ چێکرنا خوارنێ شووشتن و گوھورینا زارۆیا و پاقژکرنا مالێ، ئەڤ چەندە دبیتە ئەگەرێ ھندێ ھندەک بێھنێت نەخوش و یێت زادی ژ ژنێ بێن ئەڤجا ھەکە ھوسا بچیە نڤینا زەلامێ خوە، بێگومان دلێ وی دێ ژتە سار بیت، دڤێت تو بێھنێت خوش ل خوە بکەی ھەر چ نەبیت جلکێت خوە ب گوھوری، دا سەرەنجا تە بخو بکێشیت.
٥- ھەکە تە بابەتەک ھەبیت ل گەل ڤەکەی وی دەمی ل گەل ڤەکە دەمێ یێ کەیفخوش بیت و ل گەل تە سوحبەتێ بکەت یان دەمێ ھوون دچنە سەر نڤینێن خوە.
٦- پترگرنگیێ ب مروڤێن وی بدە و سەرەدانێن وان بکە، بو وی وەسا دیار بکە تو گەلەک حەز ژ دەیک و باب و خووشک و برایێن وی دکەی، چونکی ھەکە تو وە بکەی دێ ئەو بخو ھەست ب ھندێ کەت کو یێ کێمتر خەمە د دەرحەقا مروڤێت تە دا.
٧- گەلەک داخوازیا ژێ نەکە، ب تایبەت ھەکە تو بزانی پێ چێنابیت بو تە بکەت، چونکی زەلام ھەست ب دلتەنگیێ و کێماسیێ دکەت دەمێ ژن داخوازیەکێ ژێ دکەت و نەشێت بو وێ جێ بەجێ بکەت.
٨- وێ خارنێ بو چێکە یا ئەو حەز ژێ بکەت.
٩- دەمێ ل مال نەبیت ھەکە ھەر چ نەبیت روژێ ب نامەکێ بێژێ حەزژتە دکەم و ژ تە خەریبم.
١٠- دەمێ تو تێلفونا وی دکەی ب رێزگرتن و ب دەنگەکێ نەرم و نزم ل گەل باخڤە، چونکی دبیت ل گەل ھەڤالا دا بیت دا ھەست ب شەرمێ نەکەت، ژبەرکو گەلەک جارا ئەوێ ل تەنشت مروڤی ھایژ دەنگێ تێلەفونێ ھەیە.
١١- ھەمی دەما رێزێ لێ بگرە و گرنگیێ پێ بدە وەسا بو وی دیار کە تو گەلەک گرنگیێ پێ ددەی، وەسا بو دیار کە کو گەلەکێ شارەزا و تێگەھشتیە و زەلامەکێ بھێزە.
١٢- چ جارا بەحسێ وان خالێت لاواز یێن لدەف زەلامێ تە ھەین نەکە، تشتێ بوری ژبیر بکە و لاپەرەکێ سپی ڤەکە بو دیار کە ئەو تشێ بوری تە یا ژبیر کری ھەروەکی چ چێ نەبوی.
زەلام دڤێت چ بکەت:
١- دڤێت گرنگیێ پتر ب ھەڤژینا خوە بدەت ژ ھەڤالێت خوە، ھەتا درەنگی شەڤ ل دەرڤە نە مینیت و زوو ڤەگەریتە مال.
٢- رێزێ ل بوچونا ھەڤژینا خوە بگرە ھەتا ھەکە یا خەلەت بیت ژی ب شێوەکێ جوان بێژێ “ھەکە ھوسا بیت ئەز بێژم باشترە”.
٣- گرنگیێ ب بەژن و بالا خوە بدە و ھەردەم بێھنێت خوش ل خوە بکە ب تایبەت ئەوێت جگارا دکێشن.
٤- خوە ژ قومارێ و ماددێن کحولی دوور بکە، چ جارا ب سەر خوشی نەچە مال یان بێھنا مەی ژ تە بھێت.
٥- ھەکە تە ترومبێل ھەبیت ھەڤژینا خوە فێر کە ترومبێلێ و بلا ھەردەم ترومبێلێ بھاژوت دەمێ پێکڤە دەردکەڤن، چونکی ژن گەلەک حەز ژ ھندێ دکەت دەمێ زەلامێ وێ دناڤ خەلکی دا گرنگیێ پێ بدەت.
٦- جار جار خوارنێ بو ژ دەرڤە بینە یان ببە خارنگەھێ مێھڤان کە.
٧- سوپرایزا بو چێکە لدەمێ ھەلکەفتا ھەر چ نەبیت ب گولەکێ یان دیاریەکا کو ئەو حەز ژێ دکەت.
٨- بو وێ دیار بکە تو گەلەک حەز ژ مالا بابێ وێ دکەی.
٩- بو وێ دیار کە ئەو ھەڤال و ھەڤژینا تەیە، بلا ھزر نەکەت تو نھێنیا لێ ڤەدشێری یێ رومانسی بە ل گەل و گرنگیێ ب کریارا سکسی بدە دا نەکەفیتە خەلەتیێ.
١٠ بو وێ دیار کە کو گەلەکا زیرەکە و خارنێت وێ گەلەک د خوشن.
١١- ئەڤان پەیڤا روژانە بێژێ (تو گەلەکا جوانی و گەلەک حەز ژ تە دکەم، سوپاس بو خودێ تو بویە ھەڤژینا من، من کەس ژتە باشتر بخو نە ددیت.
١٢- چ جارا ھەستێ وێ نە شکێنە ب ئاخفتنێن کرێت، چونکی ژن گەلەکا ھەستیارە، ئاخفتنا ژبیر ناکەت و د مینیتە ددلێ وێ دا.
ھەکە ھەڤژین ڤان خالا جێ بە جێ بکەن د ماوێ ئێک ھەیڤ دا دێ گوھورینەکا مەزن د ژیانا ھەوە دا پەیدا بیت.
