دێ چـاوا خـۆ ژێ پارێـزی؟
ئەنفلوەنزا ژ ڤایرۆسی پێکدهێت، کو زێدەتر ل وەرزێن سەرمایێدا پەیدادبیت، چونکی ڤایرۆس زێدەتر گەشێ دکەن و بەرگریا لەشی ژى کێم دبیت.
ئەڤ جۆرە ڤایرۆسە لدەڤ هەموو کەسەکی وەکی ئێك روونادەت، چونکی ئەو کەسێن بەرەڤانیکرنا لەشێ وان کێمترە وەک زارۆکان و کەسێن دانعەمر نیشانێن وێ نەخۆشیێ زێدەتر لدەف دەردکەڤن و ب ئاوایەکێ دژوار تووش دبن، هندەک جاران د هندەک جۆرە کەساندا ب نەخۆشیەکا کۆژەک دهێتە زانین.
ئەو کەسێن نەخۆشیێن دومدرێژ هەین، وەک نەخۆشیا شەکر، گۆلچیسک دبیتە ئەگەرێ کێمکرنا بەرگریا لەشى.
دەمێ تووشبوون ب ڤایرۆسى لدەڤ کەسەکێ ئاسایی نێزیکى ٣ رۆژ بۆ ٥ رۆژان دبیت، و هندەک جاران پێدڤی ب چارەسەریێ ژى ناکەت، هەروەسا ئەو ڤایرۆسە ژى زێدەتر رێکێن هەناسێ دگریت، ژبەر وێ ئێکێ ددەمێ تووشبوون ب وی ڤایرۆسى حەفک و دفن و گوهـ تووشى ئازارێ دبن”.
رێنمایێن خۆپاراستن ژ تووشبوون بڤی ڤایرۆسی:
* خوارنا خوارنێن ساخلەمی (ب تایبەت خوارنا تێشتێ)
* ل بەرخوکرنا جلوبەرگێن گونجای و گەرم.
* نەگۆهرینا سەقایێ راستەراست د کەشەکێ گەرمدا بۆ کەشەکێ ساردا.
* هەبوونا ئامیرێ گۆهرینا هەوای د مالاندا.
* خوارنا فێقیێ مز و گوشتێ ماسى.
* خوارنێن شل وەک شۆربە.
ئەڤ ڤایرۆسە ژ کەسەکی بۆ کەسەکێ دی زوو دهێتە ڤەگوهاستن، ب تایبەت زارۆک زێدەتر تووشی ئەڤی جۆرە ڤایرۆسی دبیت.
چێدبیت دەرزیا دژى پەرسیڤی ل دەستپێکا وەرزێ سەرمایێ بهێتە دانان، و چێدبیت زارۆکێ د تەمەنێ سەر ٤ سالیێدا وی دەرزیێ دانیت، بەلێ ئەو کەسێن بەرگریا وان یا لەشی یا کێم بیت، پێدڤیە خوە دووربکەن ژ لێدانا دەرزیا دژى ئەڤی ڤایرۆسى.
