دێ چ خۆى دا فشارا خوينێ كێم بيت؟
ئەڤرۆ نیوز:
نابیت مرۆڤ سڤکاتیێ ب فشارا خوینێ بکەت، و نابیت پشتگوە بھاڤێژیت دەمێ بلند دبیت، چونکو ب ڤێ چەندێ دێ بیتە نەخۆشیێن دلی و دەمارێن خوینێ.
ل گری ڤەکۆلینەکا نو یا زانایێن زانکۆیا بوستن یا ئەمریکی ئەنجامدای دیار بوو، خوارنەکا ھەی فشارا خوینێ نزام دکەت و ئەو ژی ماستە. ئەو ژنێن حەفتیێ پێنج جاران ماستی دخۆن، ب رێژا 31% مەترسیا فشارا خوینێ ل نک وان کێم دبیت. ئەو ژی د چارچووڤێ سیستەمەکێ خوارنێ یێ ھەڤسەنگ. بۆ گەھشتنا ڤان ئەنجامان ژی، ڤەکۆلەران ڤەکۆلینا خوە ل سەر 300 ھزار کەسان ئەنجامدا و ژ وانان 250 ھزار ژن بوون د ژیێ 25 – 55 سالیێ دا، 51 ھزار زەلم ژی د ناڤبەرا عەمرێ 40 – 75 سالیێ. نەریتێن وان یێن خوارنێ و فشارا خوینا ژ نێزیک ھاتنە شرۆڤەکرن.
پشتی ھەمی داتایێن وان کۆمڤە کرین وەسا دیار بوو کو ئەوێن ماستێ بێ روون دخۆن، مەترسیا تووشبوونا ب فشارا خوینێ ل نک وان ب رێژا 31% کێم دبیت.
ژ بەر “پروپیۆتیک” یێ د ناڤ ماستی دا ھەی و ئەو جۆرەکێ بەکتریایێن زیندیە و کار بۆ نزمکرنا کولیسترۆلی دکەت ل نک ژنان. ھەروەسا ب میکانیزمەکا کو نەھاتیە زانین، ماست ئاستێ شەکرێ ژی د ناڤ خوینێ دا نوم دکەت، دیسا ئەو میکانیزما ماست ژی فشارا خوینێ نزم دکەت نەھاتیە زانین بەلێ دیار بوو ئەوێن ماستی دخۆن فشارا خوینێ ل نک وان نزم دبیت.
