دێ ڤیزا ئەلكترۆنی دەتە 18 وەلاتان
ئەڤرۆ نیۆز،زنار تۆڤی:
پەرلەمانێ رووسیا بەلاڤکریە،کو حوکمەتا مۆسكۆ دێ ڤیزێ ب رێیا ئەلکترۆنێ دەتە 18 وەلاتێن رۆژھەلاتا ناڤەراست و د ناڤ وان دا 9 وەلاتێن عەرەبی ژی دشێن داخوازا ڤیزێ بكەن.
د بەیاننامەكێدا کو پەرلەمانێ رووسیا ئاشكرا كریە،کو ل رۆژا ئێکێ یا هەیڤا تەباخێ رووسیا رەزامەندی دەربریە كو وەلاتیێن 18 وەلاتان دشێن داخوازا ڤیزا ئەلکترۆنی بكەن كو تێدا 9 وەلاتێن عەرەبی وەك ئیمارات و بەحرەین و تونس و مەغرب و سعودیە و ھەروەسا كوێت و قەتەر و سەلتەنا عومانێ ژی ھەیە.
پەرلەمانی رووسیا گۆتیە ژی،ژ نوکە وێڤە پێدڤی ناکەت کو ئەو خەلکێ وان وەلاتان سەردانا كونسۆلخانێن رووسیا بكەن و ھەر ب رێیا ئیمێلێ تایبەت دشێن داخوازا ڤیزێ بكەن،هەروەسا ئەڤ پێنگاڤە دێ بیتە ئەگەرێ هندێ کو پەیوەندیێن بازرگانی و گەشتیاری دناڤبەرا رووسیا و وان ھەژدە وەلاتان بھێزتر لێ بهێت و ھاتنوچوون دێ دناڤبەرا وان دا ب ساناهیتر لێ هێت.